వరుస సినిమాలతో దూసుకుపోతున్న మాస్ మహారాజ రవితేజ ప్రస్తుతం మాస్ జాతర అనే సినిమా మీద పూర్తి ఫోకస్ పెట్టాడు. నిజానికి ఈ సినిమా ఎప్పుడో పూర్తి కావాల్సి ఉంది కానీ షూటింగ్లో ఆయనకు గాయాలు కావడంతో కాస్త ఆలస్యమైంది. ఇక ఆయన హిట్ సిరీస్లో కూడా భాగం అవ్వబోతున్నాడు అనే ప్రచారం మొదలైంది. శైలేష్ కొలను దర్శకత్వంలో హిట్ సినిమాలో విశ్వక్సేన్, హిట్ 2 సినిమాలో అడవి శేషు నటించగా మూడవ సినిమాలో నాని నటించబోతున్న సంగతి తెలిసిందే. ఇక నాలుగవ సినిమాలో రవితేజ నటించబోతున్నాడు అనే ప్రచారం జరుగుతుండగా అది నిజం కాదని తాజాగా టీం నుంచి అందుతున్న సమాచారం. ఇదిలా ఉండగా రవితేజ మరో సినిమాకి గ్రీన్ సిగ్నల్ ఇచ్చాడు. మ్యాడ్ సినిమా దర్శకుడు కళ్యాణ్ శంకర్ చెప్పిన కథకు రవితేజ గ్రీన్ సిగ్నల్ ఇచ్చాడని, నాగవంశీ సితార ఎంటర్టైన్మెంట్స్ బ్యానర్ మీద ఈ సినిమా పట్టాలు ఎక్కే అవకాశం ఉందని తెలుస్తోంది.
Mahesh Babu: SSMB 29 లో మరో బాలీవుడ్ నటుడు..!
ఈ ఏడాది రెండవ భాగంలో సినిమాని సెట్స్ మీదకు తీసుకెళ్లే అవకాశాలు కనిపిస్తున్నాయి. మ్యాడ్ సినిమా సూపర్ హిట్ కావడంతో ప్రస్తుతానికి దానికి సీక్వెల్ తెరకెక్కిస్తున్నారు. మ్యాడ్ 2 పేరుతో ఈ సినిమా షూటింగ్ ఇప్పటికే పూర్తయింది. త్వరలోనే ప్రేక్షకుల ముందుకు రాబోతోంది. ఈ సినిమా రిలీజ్ అయిన తర్వాత కళ్యాణ్ శంకర్ రవితేజ సినిమా కోసం ప్రీ ప్రొడక్షన్ పనులు మొదలు పెట్టబోతున్నారు. వచ్చే ఏడాది సంక్రాంతి సందర్భంగా ప్రేక్షకుల ముందుకు తీసుకువచ్చే ప్రణాళికలు సిద్ధం చేస్తున్నారు. రవితేజ మరిన్ని కథలు కూడా వింటున్నట్లుగా తెలుస్తోంది. ఈ సినిమా కూడా మ్యాడ్ సలహా లోనే ఒక కామెడీ సినిమాగా ఉండబోతుందని అంటున్నారు. అదే నిజమైతే ఆ జానర్ లో మంచి పట్టు ఉన్న రవితేజ మరో హిట్ కొట్టడం ఖాయం..
