నటి రాణి ముఖర్జీ అభిమానులకు శుభవార్త. చాలా కాలంగా చర్చలలో ఉన్న ‘మర్దానీ 3’ గురించి అప్డేట్ ఇచ్చారు మేకర్స్. ‘మర్దానీ 3’ నుండి రాణి ముఖర్జీ ఫస్ట్ లుక్ సహా సినిమా విడుదల తేదీని మేకర్స్ విడుదల చేశారు. ధైర్యవంతురాలైన పోలీస్ ఆఫీసర్ శివానీ శివాజీ రాయ్ పాత్రలో రాణి ముఖర్జీ మరోసారి బాక్సాఫీస్ వద్ద సత్తా చాటేందుకు సిద్ధంగా ఉన్నారని మేకర్స్ తెలిపారు. సోషల్ మీడియాలో యష్ రాజ్ ఫిల్మ్స్ షేర్ చేసిన ఫస్ట్ లుక్ లో, రాణి ముఖర్జీ నల్ల చొక్కా, నీలిరంగు జీన్స్ ధరించి చేతిలో తుపాకీ పట్టుకుని చాలా మాసీ లుక్ లో కనిపించింది. ఈ చిత్రాన్ని షేర్ చేస్తూ YRF “మర్దానీ 3 కి కౌంట్‌డౌన్ ప్రారంభమయింది. శివానీ శివాజీ రాయ్ ఫిబ్రవరి 27, 2026న తిరిగి బిగ్ స్క్రీన్ మీదకు వస్తోంది.. హోలీ రోజున మంచి, చెడుతో పోరాడుతుంది” అని క్యాప్షన్‌లో రాసుకొచ్చారు. 2026 మార్చి 4న హోలీ పండుగ జరుపుకోబోతున్న క్రమంలో అంతకన్నా కొద్దిరోజుల ముందే అంటే ఫిబ్రవరి 27న, రాణి ముఖర్జీ మరోసారి శివానీ శివాజీ రాయ్ గా థియేటర్లలోకి రానుంది.
Rajamouli : రాజమౌళి రెమ్యునరేషన్ రూ.200 కోట్లు.. IMDB నివేదిక..
‘మర్దానీ 3’ 2014లో విడుదలైన రాణి ముఖర్జీ ‘మర్దానీ’ థర్డ్ ఎడిషన్. అంతకుముందు 2019లో ‘మర్దానీ 2’ థియేటర్లలో విడుదలైంది. ఈ రెండు చిత్రాలకు ప్రేక్షకుల నుండి మరియు విమర్శకుల నుండి సానుకూల స్పందన వచ్చింది. ఈ చిత్రాలు కూడా బాక్సాఫీస్ వద్ద కలెక్షన్స్ కూడా గట్టిగానే రాబట్టాయి. ఇప్పుడు మేకర్స్ మరోసారి ‘మర్దానీ 3’ కూడా ఆ స్థాయిలో హిట్ అవుతుందని ఆశిస్తున్నారు. 2014లో ‘మర్దానీ’ సినిమా థియేటర్లలో విడుదలైనప్పుడు ఇండియాలో మొత్తం 48.11 కోట్ల రూపాయల బిజినెస్ చేసింది. అది దాని బడ్జెట్ కంటే చాలా ఎక్కువ. ‘మర్దానీ’ తర్వాత దాదాపు ఐదు సంవత్సరాల తర్వాత, ఆ సినిమా యొక్క తదుపరి భాగం ‘మర్దానీ 2’ పేరుతో విడుదలైంది. ఇందులో మరోసారి రాణి ముఖర్జీ శివానీ శివాజీ రాయ్ పాత్రలో కనిపించారు. ‘మర్దానీ’ లాగే ‘మర్దానీ 2’ కూడా బాగానే ఆడింది. ‘మర్దానీ 2’ సినిమా ఇండియన్ బాక్సాఫీస్ వద్ద మొత్తం 57 కోట్ల రూపాయల బిజినెస్ చేసింది.
