Ram Charan: మెగా ఫ్యాన్స్‌కు గుడ్ న్యూస్.. రామ్ చరణ్ చేతికి రాడ్స్ తొలగింపు.. సెట్స్‌పైకి రీఎంట్రీ ఎప్పుడంటే?

Ram Charan: గ్లోబల్ స్టార్ రామ్ చరణ్ గాయం నుంచి కోలుకునే క్రమంలో అత్యంత కీలకమైన ముందడుగు పడింది. కొద్దిరోజుల క్రితం చేతి మణికట్టుకు తగిలిన గాయంతో చికిత్స తీసుకుంటున్న చరణ్ తాజా ఆరోగ్య పరిస్థితిపై వైద్య వర్గాల నుంచి కీలక అప్‌డేట్ వెలువడింది. తమిళనాడులోని ప్రముఖ కోయంబత్తూరు గంగా హాస్పిటల్‌లో ఆయనకు ప్లాన్ చేసిన ఫాలో-అప్ మెడికల్ ప్రొసీజర్ విజయవంతంగా పూర్తయింది. ఈ సర్జరీ అనంతరం చరణ్ మణికట్టుకు అమర్చిన క్యాస్ట్, రాడ్స్‌ను వైద్యులు సక్సెస్‌ఫుల్‌గా తొలగించారు. మణికట్టు భాగంలో గాయం తీవ్రత దృష్ట్యా గతంలో వైద్యులు ప్రత్యేకంగా రాడ్స్‌ను అమర్చి చికిత్స అందించిన సంగతి తెలిసిందే. ప్రస్తుతం ఎముక నిర్మాణం పూర్తిగా స్థిరపడటంతో, గంగా హాస్పిటల్ వైద్య బృందం ఆ రాడ్స్‌ను, క్యాస్ట్‌ను పూర్తిగా తొలగించింది. ప్రస్తుతం చరణ్ ఆరోగ్యం నిలకడగా ఉందని, ఎముక రికవరీ ఆశించిన దానికంటే చాలా వేగంగా జరుగుతోందని ఆసుపత్రి వర్గాలు స్పష్టం చేశాయి.

రాడ్స్ తొలగించినంత మాత్రాన వెంటనే సాధారణ స్థితికి రావడం సాధ్యం కాదు కాబట్టి, వైద్యుల పర్యవేక్షణలో చరణ్‌కు మరో కీలక చికిత్స స్టార్ట్ కానుందని తెలుస్తుంది. చేతికి పూర్వపు బలం, పూర్తి స్థాయి కదలికలు రావడానికి రాబోయే 8 నుంచి 10 వారాల పాటు ఇంటెన్సివ్ ఫిజియోథెరపీ సెషన్లలో ఆయన పాల్గొననున్నారట. ప్రత్యేక నిపుణుల సమక్షంలో ఈ రిహాబిలిటేషన్ ప్రక్రియ జరగనుందని తెలుస్తుంది. ఎముకపై అదనపు భారం పడకుండా దశలవారీగా చేతి కండరాలను బలోపేతం చేసేందుకు వైద్యులు ప్రణాళికను సిద్ధం చేశారు. ఈ ఫిజియోథెరపీ ప్రక్రియ అనుకున్న సమయానికి ముగిస్తే, నవంబర్ మధ్య నాటికి రామ్ చరణ్ తిరిగి పూర్తి ఫిట్‌నెస్‌తో కెమెరా ముందుకు వచ్చే అవకాశాలు పుష్కలంగా ఉన్నాయి. ప్రస్తుతం ఆయన సుకుమార్ దర్శకత్వంలో నటిస్తున్న భారీ ప్రాజెక్ట్ షూటింగ్ చరణ్ కోలుకున్న వెంటనే శరవేగంగా ప్రారంభం కానుందని తెలుస్తుంది. గాయం భయాలు పూర్తిగా తొలిగిపోయి, రాడ్స్ తొలగించారన్న సమాచారం బయటకు రావడంతో సోషల్ మీడియా వేదికగా మెగా ఫ్యాన్స్ మస్త్ ఖుషీ అవుతున్నారు. పూర్తి ఉత్సాహంతో తమ అభిమాన హీరో బాక్సాఫీస్ దండయాత్రకు రెడీ కావాలని కామెంట్స్ చేస్తున్నారు.

గాయం నుంచి కోలుకునే క్రమంలో మరో కీలక అడుగు..

కోయంబత్తూరులోని గంగా హాస్పిటల్‌లో రామ్ చరణ్‌కు ప్లాన్ చేసిన ఫాలో-అప్ ప్రొసీజర్ విజయవంతంగా పూర్తైంది. మణికట్టుకు వేసిన క్యాస్ట్, రాడ్స్‌ను తొలగించారు. ఇక 8–10 వారాల పాటు ఇంటెన్సివ్ ఫిజియోథెరపీ.. నవంబర్ మధ్యలో షూటింగ్స్‌లోకి #RamCharan… pic.twitter.com/EpOKbyopTV

— Journalist Yagna (@yagnamurthy) September 24, 2026