The Raja Saab: వచ్చే నెల నుంచి రాజా సాబ్!!

Raja Saab Update by Maruthi: ప్రభాస్ హీరోగా నటించిన కల్కి 2898 ఏడి సినిమా గత నెల 27వ తేదీన విడుదలై సూపర్ హిట్ టాక్ తెచ్చుకున్న సంగతి తెలిసిందే. ఇప్పటికీ సరైన సినిమా ఏది పోటీ లేకపోవడంతో చాలాచోట్ల హౌస్ ఫుల్ షోస్ తో నడుస్తోంది. ఈ సినిమా సక్సెస్ ఫుల్ కావడంతో ప్రభాస్ తన తదుపరి సినిమాల మీద ఫోకస్ పెట్టాడు. ఈ సినిమా పూర్తయిన వెంటనే ప్రభాస్ మారుతి దర్శకత్వంలో తెరకెక్కుతున్న ఒక హారర్ కామెడీ సినిమాలో నటించాల్సి ఉంది. తాజాగా ఈ సినిమాకి సంబంధించిన షూటింగ్ అప్డేట్ ఇచ్చాడు డైరెక్టర్ మారుతి. తన ఆధ్వర్యంలో నడిచే ఒక మ్యూజిక్ ప్రోగ్రాం ప్రెస్ మీట్ లో మారుతి ఈ మేరకు మీడియాకి లీక్ ఇచ్చాడు.

Game Changer: గేమ్ చేంజర్ అప్డేట్ ఇచ్చిన థమన్

పీపుల్ మీడియా ఫ్యాక్టరీ బ్యానర్లో ప్రభాస్ హీరోగా మారుతీ దర్శకత్వంలో ఈ హారర్ కామెడీ మూవీ తెరకెక్కుతోంది. ఈ సినిమాలో దాదాపు ఐదుగురు హీరోయిన్లు నటిస్తున్నట్లు ప్రచారం జరుగుతోంది. ఇప్పటికే పలు షెడ్యూల్స్ సీక్రెట్ గా షూట్ చేసినట్లు వార్తలు వచ్చాయి. అయితే తాజాగా మారుతి మాట్లాడుతూ ఈ సినిమాకి సంబంధించిన షెడ్యూల్ వచ్చే నెలలో ప్రారంభం కాబోతోందని చెప్పుకొచ్చాడు. ప్రొడక్షన్ హౌస్ అధికారికంగా ఈ సినిమాకు సంబంధించిన అప్డేట్స్ ఇకమీదట విడుదల చేయబోతుందని కూడా ఆయన క్లారిటీ ఇచ్చారు. ఇక ఈ సినిమా కథ గురించి కూడా రకరకాల ప్రచారాలు జరిగాయి కానీ కాస్త ప్రమోషనల్ కంటెంట్ రిలీజ్ అయితే కానీ అవి నిజమా కాదా అనే విషయం మీద క్లారిటీ వచ్చే అవకాశం లేదు.