శిల్పాశెట్టి కెరీర్ కు రాజ్ కుంద్రా వ్యవహారంతో బ్రేక్!

శిల్పాశెట్టి దాదాపు పద్నాలుగేళ్ళ తర్వాత బాలీవుడ్ లో రీ-ఎంట్రీ ఇచ్చింది. ఆమె నటించిన లేటెస్ట్ మూవీ ‘హంగామా -2’ ఈ రోజు డిస్నీ ప్లస్ హాట్ స్టార్ లో స్ట్రీమింగ్ అయ్యింది. గత ఐదు రోజులుగా సాగుతున్న రాజ్ కుంద్రా పోర్న్ వీడియోస్ వ్యవహారంతో ‘హంగామా -2’ మూవీ ప్రమోషన్స్ పై శిల్పాశెట్టి ఏ మాత్రం దృష్టి పెట్టలేకపోయింది. పోస్ట్ రిలీజ్ ప్రమోషన్స్ లోనూ శిల్పాశెట్టి పాల్గొనడం డౌటే అంటున్నారు. ఇన్నేళ్ళ తర్వాత తిరిగి ఆమె సినిమా విడుదలవుతోందంటే దాన్ని తన కెరీర్ కు బలమైన పునాదిగా మలుచుకోవడానికి శిల్పాశెట్టి చాలా ప్లాన్స్ వేసుకుని ఉంటుంది. కానీ భర్త వ్యవహరంతో అవన్నీ కొట్టుకుపోయాయి. అలానే శిల్పాశెట్టి నటించిన మరో సినిమా ‘నికమ్మ’ కూడా విడుదలకు సిద్ధంగా ఉంది. ఆ మూవీ ప్రమోషన్స్ లోనూ శిల్పాశెట్టి పాల్గొంటుందా లేదా అనేది అనుమానమే.

Read Also : రాజ్ కుంద్రా కర్మ… ఖర్మగా తిరిగొచ్చిందంటోన్న సచిన్ జోషి…

ఇదిలా ఉంటే… ప్రస్తుతం శిల్పాశెట్టి ‘సూపర్ డాన్సర్ చాప్టర్ 4’ రియాలిటీ షో లో జడ్జ్ గా దర్శకుడు అనురాగ్ బసు, గీతా కపూర్ తో కలిసి పాల్గొంటోంది. కానీ భర్త అరెస్ట్ అయిన మర్నాటి నుండి ఆమె ఆ షోకు హాజరు కావడం లేదు. గతంలోనూ శిల్పాశెట్టి కరోనా కారణంగా డుమ్మా కొడితే, ఆమె స్థానంలో మలైకా అరోరాను తీసుకున్నారు. ఇప్పుడైతే స్పెషల్ గెస్ట్ గా వచ్చిన కరిష్మా కపూర్ తో ఎపిసోడ్ లాగించేస్తున్నారట. భర్త రాజ్ కుంద్రా వ్యవహారం ఒక కొలిక్కి వచ్చే వరకూ శిల్పాశెట్టి ఈ డాన్స్ షోలో పాల్గొనక పోవచ్చునని తెలుస్తోంది. అదే జరిగితే, కరిష్మా, మలైకాలో ఎవరో ఒకరిని శాశ్వత జడ్జ్ గా తీసుకుంటారన్న బాలీవుడ్ వర్గాలు చెబుతున్నాయి. మొత్తం మీద శిల్పాశెట్టి తన సెకండ్ ఇన్నింగ్స్ ను ఎంత గ్రాండ్ గానో ప్లాన్ చేసుకుంటే… ఆ ఆశలపై రాజ్ కుంద్రా వ్యవహారంతో నీళ్ళు కుమ్మరించినట్టు అయ్యింది.