ఐకాన్‌ స్టార్‌ కథానాయకుడిగా బ్రిలియంట్‌ డైరెక్టర్‌ సుకుమార్ దర్శకత్వంలో వస్తున్న సినిమా పుష్ప -2. సుకుమార్ రైటింగ్స్‌ అసోసియేషన్‌తో మైత్రీ మూవీ మేకర్స్ పతాకంపై నవీన్‌ ఎర్నేని, యలమంచిలి రవిశంకర్‌ అత్యంత ప్రతిష్టాత్మకంగా నిర్మిస్తున్నారు. డిసెంబర్‌ 5న ప్రపంచవ్యాప్తంగా ప్రేక్షకుల ముందుకు రానున్న ఈ చిత్రంపై భారీ అంచానాలు వున్నాయి. సినిమాలో కంటెంట్‌ కూడా అంతకు మించి అస్సలు తగ్గేదేలా అనే విధంగా ఉండనుందని టాక్ వినిపిస్తోంది.
ఇక పుష్ప ది రైజ్‌ చిత్రంలో మాదిరిగానే ఈ సెకండ్ పార్ట్ లోను సాంగ్స్ ను పకడ్బందీగా ప్లాన్ చేసాడు దేవిశ్రీ. సుకుమార్ సినిమాల్లో మార్క్ గా చెప్పుకునే స్పెషల్ సాంగ్ కిస్సిక్’ లిరికల్ సాంగ్ ను ఇటీవల రిలీజ్ చేయగా సౌత్ మోస్ట్ వ్యూస్ రాబట్టిన సాంగ్ గా రికార్డు సృష్టించింది. ఇక ఇప్పుడు ఈ సినిమాలో మరో సాంగ్ ను రిలీజ్ చేయనున్నారు మేకర్స్. బన్నీకి కేరళలో మాస్ ఫాలోయింగ్ ఉంది. రెండు రోజుల క్రితం మల్లు ప్రేక్షకుల కోసం కొచ్చిలో భారీ ఎత్తున ప్రీ రిలీజ్ ఈవెంట్ నిర్వహించారు మేకర్స్. ఈ వేదికపై మలయాళం ఫ్యాన్స్ కోసం ఈ సినిమాలో ఓ స్పెషల్ సాంగ్ రిలీజ్ చేస్తామని ప్రకటించారు. అందుకోసమే పుష్ప -2 లో పీలింగ్ అని సాంగ్ లిరికల్ సాంగ్ ప్రోమోను తాజగా విడుదల చేయగా ఫుల్ సాంగ్ ను డిసెంబరు 1న రిలీజ్ చేస్తున్నట్టు ప్రకటించారు మేకర్స్. ఈ పాటలో బన్నీ స్టెప్స్ ఓ రేంజ్ లో ఉంటాయని యూనిట్ సభ్యుల సమాచారం.
Also Read : NTRNeel : తారక్ – ప్రశాంత్ నీల్ టైటిల్ ఇదే..?
