తెలుగులోనే కాదు ఇండియా వ్యాప్తంగా ఇప్పటివరకు ప్రేక్షకులు ఆసక్తిగా ఎదురు చూస్తున్న సినిమా ఏదైనా ఉందంటే అది పుష్ప ది రూల్. మొదటి పుష్ప ది రైజ్ సినిమా సూపర్ హిట్ కావడంతో రెండో భాగం మీద భారీ అంచనాలు ఏర్పడ్డాయి. దానికి తగ్గట్టుగా అనే సుకుమార్, అల్లు అర్జున్ ఈ సినిమాని వేరే లెవెల్ లో చేస్తున్నారు. ఒకరకంగా సుకుమార్ అల్లు అర్జున్ గ్యాప్ లేకుండా షూట్ చేస్తూ సినిమాని ప్లాన్ ప్రకారం డిసెంబర్ 6వ తేదీన రిలీజ్ చేయడానికి సిద్ధమవుతున్నారు. ఇప్పటికైతే సినిమాని ఆరవ తేదీన రిలీజ్ చేస్తున్నామని పదేపదే బల్లగుద్ది మరీ చెబుతోంది సినిమా టీం. అంతేకాదు ఒకరోజు ముందుగానే అంటే డిసెంబర్ ఐదో తేదీన ప్రీమియర్స్ తో సినిమా మొదలవుతుంది అని కూడా అంటున్నారు.
YS Jagan: కూటమి పాలనలో మహిళలకు రక్షణ, ప్రజలకు భరోసా లేదు..
ఇక ఇప్పుడు డిసెంబర్ 4వ తేదీ నుంచి ప్రీమియర్ ప్రదర్శించే ప్రణాళికలు కూడా చేస్తున్నారు. సరిగ్గా ఇదే సమయంలో రేపు మీడియాతో టీం ముచ్చటించబోతుందంటూ అధికారిక ప్రకటన వచ్చింది. హైదరాబాదులో స్టార్ హోటల్ లో పుష్ప ప్రెస్ మీట్ నిర్వహించబోతున్నారు. ఒకరకంగా రేపటి నుంచి ప్రమోషన్స్ మొదలుపెట్టబోతున్నారని దీపావళికి ఒక స్పెషల్ సర్ప్రైజ్ కూడా ఉంటుందని తెలుస్తోంది. పుష్ప నుంచి నెక్స్ట్ సాంగ్ నవంబర్లో రిలీజ్ చేయబోతున్నారని ఇప్పటికే టాకీ పార్ట్ మొత్తం పూర్తయింది, కేవలం రెండు సాంగ్స్ షూటింగ్ మాత్రం బాకీ ఉన్నట్లుగా తెలుస్తోంది. అందులో ఒకటి ఐటమ్ సాంగ్ కాగా ఐటమ్ సాంగ్ కోసం శ్రద్ధా కపూర్ ని రంగంలోకి దించారు. అయితే రేపు ప్రెస్ మీట్ ఏర్పాటు చేస్తూ ఉండడంతో ఒకవేళ వాయిదా వేస్తున్నట్లు ఏమైనా ప్రకటిస్తారా అనే అనుమానాలు కూడా వ్యక్తం అవుతున్నాయి. కానీ లేదని రేపటి నుంచి ప్రమోషన్స్ మొదలు పెట్టబోతున్నారని తెలుస్తోంది. సినిమాని ఖచ్చితంగా డిసెంబరు ఆరో తేదీన రిలీజ్ చేస్తారని 4,5 తేదీలలో స్పెషల్ ప్రీమియర్స్ ప్రదర్శించడానికి కూడా ప్లాన్ చేస్తున్నారని తెలుస్తోంది.
