Producer Attack: షాకింగ్: పోలీసులపై టాలీవుడ్ నిర్మాత దాడి

Producer Burugupalli Siva Rama Krishna Attacks Inspector at OU Police Station: టాలీవుడ్ నిర్మాత ఒకరు తెలంగాణ పోలీస్ ఇన్స్పెక్టర్ మీద దాడి చేసిన ఘటన కలకలం రేపుతోంది. హైదరాబాద్ ఓయూ పోలీస్ స్టేషన్ పరిధిలో తీవ్ర ఉధృతి పరిస్థితి ఏర్పడింది. ఓయూ పోలీస్ స్టేషన్లో తెలుగు సినీ నిర్మాత బూరుగుపల్లి శివరామకృష్ణ తన అనుచరులతో పాటు హల్చల్ చేశాడు. ఓ కేసు విషయంలో నిర్మాత శివరామకృష్ణను ఇన్స్పెక్టర్ పోలీస్ స్టేషన్కు పిలిపించారు. అయితే నన్నే పోలీస్ స్టేషన్కు పిలిపిస్తావా అంటూ ఇన్స్పెక్టర్ మీద నిర్మాత బూరుగుపల్లి శివరామకృష్ణ దాడి చేసినట్లు తెలుస్తోంది. నిర్మాతతో పాటు అతనితోపాటు వచ్చిన అనుచరులు సైతం ఇన్స్పెక్టర్ సహా మిగతా పోలీసుల మీద దాడికి దిగినట్లుగా తెలుస్తోంది.

Vishwambhara: టీజర్ ట్రోల్స్.. మెగాస్టార్ కీలక నిర్ణయం?

ఈ ఘటన మీద సీరియస్ అయిన పోలీస్ సీనియర్ అధికారులు వెంటనే రంగంలోకి దిగారు. నిర్మాత సహా అతని వెంట ఉన్న అనుచరుల మీద చర్యలు తీసుకోవడానికి సిద్ధమవుతున్నారు. నిర్మాతగా బూరుగుపల్లి శివరామకృష్ణ అనేక సూపర్ హిట్ సినిమాలను నిర్మించారు. రవితేజతో దరువు సినిమా సహా యువత, రైడ్ ఏమో గుర్రం ఎగరావచ్చు వంటి సినిమాలను ఆయన నిర్మించారు. సీతారత్నం గారి అబ్బాయి అనే సినిమాతో నిర్మాతగా మారిన ఆయన అందరి బంధువయ, మహేష్ బాబుతో యువరాజు, వెంకటేష్ తో ప్రేమంటే ఇదేరా వంటి సినిమాలకు నిర్మాతగా వ్యవహరించారు.