Priyanka Chopra: తన కుమార్తె ఇన్‌స్టాగ్రామ్ ఖాతాను తెరిచిన ప్రియాంక చోప్రా.. ఐడీ ఇదే

ఇటీవల ముంబైలో జరిగిన తన సోదరుడు సిద్ధార్థ్ చోప్రా ఎంగేజ్‌మెంట్ వేడుకకు హాజరైన నటి ప్రియాంక చోప్రా జోనాస్ తన కుమార్తె మాల్తీ మేరీ జోనాస్ ఇన్‌స్టాగ్రామ్ ఖాతాను క్రియేట్ చేసింది. బుధవారం.. ప్రియాంక తన ఇన్‌స్టాగ్రామ్‌ ఖాతాలో తన కుమార్తె చిత్రాన్ని మరోసారి పంచుకుంది. తన కుమార్తె యొక్క అధికారిక ఇన్‌స్టాగ్రామ్ హ్యాండిల్‌ను కూడా పేర్కొంది. ప్రియాంక, ఆమె భర్త నిక్ జోనాస్ తమ కుమార్తెకు సంబంధించిన ఎలాంటి ఫొటోలు బయటకు రానివ్వకుండా జాగ్రత్త పడ్డారు. సోషల్ మీడియాలో చిన్నారి ముఖాన్ని చూపించ లేదు. కానీ నటి ఇప్పుడు తన కుమార్తెకు సంబంధించిన ఇన్‌స్టాగ్రామ్ ఖాతాను సృష్టించింది. maltimarie పేరుతో ఖాతాను ఓపెన్ చేసిన ప్రియాంక చోప్రా.. దీనికి సంబంధించిన వివరాలను తన స్టోరీలో పంచుకుంది.

READ MORE: Champai Soren: జేఎంఎంకి చంపాయ్ సోరెన్ రాజీనామా..

ప్రియాంక తన సోదరుడి నిశ్చితార్థ వేడుక కోసం ఇండియాకు వచ్చిన విషయం తెలిసిందే. ఈ వేడుకకు సంబంధించిన ఫొటోలు, వీడియోలను కూడా షేర్ చేసింది. ఆమె సోదరుడు సిద్ధార్థ్ చోప్రాకు ఆగస్టు 23న ముంబైలో తన తోటి నటి నీలం ఉపాధ్యాయ్‌తో ఎంగేజ్ మెంట్ జరిగింది. ఈ ఫంక్షన్ లో నటి అద్భుతమైన చీరను ధరించి అందరినీ అకర్శించింది. కాగా.. ప్రియాంక త్వరలో తన స్పై-థ్రిల్లర్ స్ట్రీమింగ్ షో ‘సిటాడెల్’ రెండవ భాగంలో కనిపించనుంది. నివేదికల ప్రకారం.. గ్లోబల్ సిరీస్ యొక్క రెండవ సీజన్ ఈ సంవత్సరం ప్రారంభం కానుంది. దీనికి జో రస్సో దర్శకత్వం వహించనున్నారు. మాసన్ కేన్ పాత్రలో రిచర్డ్ మాడెన్‌తో పాటు ప్రియాంక చోప్రా జోనాస్ తన ‘నాడియా’ పాత్రలో తిరిగి రానుంది.