మంచు మోహన్ బాబు క్యారక్టర్ ఆర్టిస్ట్ గా ఇండస్ట్రీలో అడుగుపెట్టి హీరోగా ఇండస్ట్రీ హిట్ సినిమాలు అందించి కలెక్షన్ కింగ్ గా పేరుతెచ్చుకున్నాడు మోహన్ బాబు. ఎటువంటి పాత్రనైనా అలవకగా చేసేయగల అద్భుతమైన నటుడు మోహన్ బాబు. విలన్, హీరో, సహాయనటుడు ఇలా మోహన్ బాబు చేయని పాత్ర లేదు. జూనియర్ ఎన్టీయార్ హీరోగా వచ్చిన యమదొంగలో యముడి పాత్రలో ప్రేక్షకులను మెప్పించాడు. మోహన్ బాబు వారసులుగా టాలీవుడ్ కు పరిచయమయ్యారు మంచు విష్ణు, మంచు మనోజ్, మంచు లక్ష్మి.
Also Read: AamirKhan : నా నటన బాగోలేదు.. అందుకే సినిమా పోయింది.. తప్పు నాదే..
మంచు విష్ణు ప్రస్తుతం తెలుగు సినీ మా అధ్యక్షులుగా కొనసాగుతున్నారు. మంచు మనోజ్ విభిన్న సినిమాలు చేస్తూ ప్రత్యేకమైన గుర్తింపు తెచ్చుకున్నాడు. మంచు లక్ష్మి పలు చిత్రాల్లో నటించి మెప్పించింది. ఇప్పుడు మంచు ఫ్యామిలీ మూడవ తరం టాలీవుడ్ లో అడుగుపెడుతోంది. మంచు విష్ణు కొడుకు అవ్రామ్ భక్త మంచు సినిమాలలో నటిస్తున్నాడు. మంచు విష్ణు నటిస్తూ నిర్మిస్తున్న పాన్ ఇండియా చిత్రం కన్నప్ప. ఈ చిత్రంలో అవ్రామ్ భక్త ‘తిన్నడు’ పాత్రలో నటిస్తున్నాడని అందుకు సంబంధించి అవ్రామ్ ఫస్ట్ లుక్ ను శ్రీకృష్ణ జన్మాష్టమి సందర్భంగా రిలీజ్ చేశారు మేకర్స్. పాన్ ఇండియా భాషల్లో తెరకెక్కుతోన్న ఈ చిత్రంలో రెబల్ స్టార్ ప్రభాస్, మోహన్ లాల్, అక్షయ్ కుమార్, శరత్ కుమార్ వంటి స్టార్ హీరోలు నటిస్తున్నారు. డిసెంబర్ లో వరల్డ్ వైడ్ గా రిలీజ్ కానుంది కన్నప్ప.