418: కంటెంట్ చూసి షాక్.. రాత్రికి రాత్రే ‘పాన్-ఇండియా’ రేంజ్కు మారిన ‘418’ రిలీజ్!
- Follow Us :
-
-
Add as a preferred
source on google
ప్రశాంత్ నీల్ సమర్పణలో, టాలీవుడ్ అగ్ర నిర్మాణ సంస్థ మైత్రీ మూవీ మేకర్స్ నిర్మిస్తున్న మోస్ట్ అవేటెడ్ హారర్ చిత్రం ‘418’.వాస్తవానికి ఈ సినిమా సెప్టెంబర్ 18న ప్రేక్షకుల ముందుకు రావాల్సి ఉంది. కానీ, మేకర్స్ అనూహ్యంగా రిలీజ్ను వాయిదా వేశారు. అయితే ఈ వాయిదా వెనుక ఉన్న అసలు కారణం తెలిస్తే ఎవరైనా ఆశ్చర్యపోవాల్సిందే! సినిమా కంటెంట్ చూసి బాలీవుడ్ ఎగ్జిబిటర్లు సైతం ఫిదా అవ్వడం, ఈ సినిమాను హిందీలో కూడా భారీగా విడుదల చేయాలని డిమాండ్ చేయడమే ఈ మార్పుకు ప్రధాన కారణం. తాజాగా విడుదలైన అధికారిక ప్రకటన ద్వారా మేకర్స్ ఈ ఆసక్తికరమైన విషయాలను పంచుకున్నారు. సాధారణంగా ఏదైనా సినిమా వాయిదా పడితే పోస్ట్ ప్రొడక్షన్ పనులు పూర్తికాకపోవడమో, లేదా సరైన థియేటర్లు దొరక్కపోవడమో కారణం అనుకుంటారు. కానీ ‘418’ విషయంలో జరిగింది వేరు.
ఈ సినిమాకు సంబంధించి కొంతమంది ఇండస్ట్రీ వర్గాలకు, ఎంపిక చేసిన ప్రేక్షకులకు ఇటీవల ఎక్స్క్లూజివ్ స్క్రీనింగ్స్ వేశారు. సినిమా చూసిన ప్రతి ఒక్కరూ హారర్ ఎలిమెంట్స్ అద్భుతంగా ఉన్నాయంటూ ప్రశంసల వర్షం కురిపించారు. ఇతర మార్కెట్లకు చెందిన ఎగ్జిబిటర్లు, మరీ ముఖ్యంగా హిందీ ఎగ్జిబిటర్లు ఈ సినిమాను చూసి థ్రిల్ అయ్యారు. దీన్ని కేవలం సౌత్ కే పరిమితం చేయకుండా, హిందీలో కూడా భారీ స్థాయిలో రిలీజ్ చేయాలని మేకర్స్ పై తీవ్ర ఆసక్తి కనబరిచారు. ఇప్పటికే ట్రైలర్కు వచ్చిన ట్రెమండస్ రెస్పాన్స్, దానికి తోడు ఎగ్జిబిటర్ల నుంచి వస్తున్న అనూహ్యమైన డిమాండ్ చూసి మేకర్స్ టీమ్ ఒక సంచలన నిర్ణయం తీసుకుంది.
Also Read
- Pooja Hegde: ఫ్లాపులు వెంటాడుతున్నా తగ్గని బుట్టబొమ్మ క్రేజ్.. బన్నీ సినిమాతో జాక్పాట్ తగిలినట్టేనా?
- Janga Glimpse : నోట్లో మందు బాటిల్.. వరలక్ష్మి తూటాల వర్షం
- Aakasam Lo Oka Tara: దుల్కర్ కోసం వస్తున్న మల్లు అర్జున్.. 'ఆకాశంలో ఒక తార'కు బన్నీ బూస్ట్!
- Dil Raju - Anil Ravipudi: ఇప్పుడే 2028 సంక్రాంతి కర్చీఫ్ వేసిన దిల్ రాజు.. ఆ డైరెక్టర్తోనే సినిమా!
ఈ చిత్రాన్ని కేవలం పరిమితంగా కాకుండా, దేశవ్యాప్తంగా ఒకేసారి ‘గ్రాండ్ మల్టీ-లాంగ్వేజ్ రిలీజ్’ చేయాలని ఫిక్స్ అయ్యారు. దక్షిణాది భాషలతో పాటే, హిందీ ప్రేక్షకులను సైతం భయపెట్టేందుకు ఏకంగా పాన్-ఇండియా స్థాయిలో ఈ హారర్ చిత్రాన్ని ప్లాన్ చేస్తున్నారు. ఇంత భారీ స్థాయిలో ప్రమోషన్స్, ఎగ్జిబిషన్ ప్లాన్ చేయాల్సి రావడం వల్లే సెప్టెంబర్ 18 నాటి రిలీజ్ను రద్దు చేసి కాస్త సమయం తీసుకుంటున్నారు. “నిరీక్షణ కాస్త పెరిగినా, ‘418’ మాత్రం మరింత భారీగా ముస్తాబవుతోంది” అని చిత్రబృందం స్పష్టం చేసింది. అతి త్వరలోనే ఈ పాన్-ఇండియా రిలీజ్ డేట్ను మేకర్స్ అధికారికంగా ప్రకటించనున్నారు. ఏదేమైనా.. ఒక హారర్ సినిమా కంటెంట్తో నేరుగా బాలీవుడ్ వాళ్లను అట్రాక్ట్ చేసి పాన్ ఇండియా రేంజ్కు వెళ్లడం ఇప్పుడు నిజంగా సెన్సేషనే!
తాజావార్తలు
-
AP Municipal Elections 2026: మున్సిపల్ ఎన్నికలకు సిద్ధమైన ఏపీ.. నేటి నుంచి నామినేషన్లు.. పూర్తి షెడ్యూల్ ఇదే!
-
US Flight Chaos: అమెరికా వ్యాప్తంగా విమానాలు నిలిపివేత.. కమ్యూనికేషన్ లోపంతో దేశవ్యాప్తంగా ఫ్లైట్స్ గ్రౌండ్
-
Astrology: నవంబర్ 14 శనివారం దినఫలాలు.. ఏ రాశివారు ఏ పూజలు చేస్తే మంచిది..?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!