వరుస సినిమాలతో యంగ్ హీరోలతో పోటి పడుతున్నాడు నందమూరి బాలక్రిష్ణ. ప్రస్తుతం డైరెక్టర్ బాబీ దర్శకత్వంలో ఓ సినిమాలో నటిస్తున్నాడు బాలయ్య. ఈ చిత్ర షూటింగ్ చివరి దశకు చేరుకుంది. వాస్తవానికి ఈ సినిమాను ఈ ఏడాది డిసెంబరులో రిలీజ్ చేసేందుకు ఏర్పాట్లు చేసారు మేకర్స్. క్రిస్మస్ కానుకగా డిసెంబర్ 25న రిలీజ్ చేసేలా ప్లాన్ చేసారు. కానీ అదే నెలలో శంకర్ భారీ బడ్జెట్ చిత్రం గేమ్ ఛేంజర్ 20న రానుండడంతో బాలయ్య సినిమా క్రిస్మస్ బరి నుండి తప్పుకుంది.
Also Read: oscar winner: ఆస్కార్ అవార్డ్ విన్నర్ చేతుల మీదుగా ట్రైలర్ విడుదల..
తాజాగా వినిపిస్తున్న సమాచారం ప్రకారం ఈ సినిమాను 2025 సంక్రాంతికి రిలీజ్ చేసేలా మేకర్స్ ప్లాన్ చేస్తున్నారని తెలుస్తోంది. దీంతో వచ్చే ఏడాది పొంగల్ రేస్ మరింత వేడెక్కనుంది. సంక్రాంతి రేస్ లో ఇప్పటికే చిరు విశ్వంభర, వెంకీ అనిల్ రావిపూడి, రవితేజ భాను బోగవరపు సినిమాలు ఉన్నాయి. ఇప్పుడు బాలయ్య సినిమా సంక్రాంతికి వస్తే పోటీ మరింత రంజుగా ఉంటుంది. ఇప్పటికే అదే బేనర్ నుండి RT75 సంక్రాంతి రేస్ లో ఉంది. ఒకవెళ అదే కనుక జరిగితే సంక్రాంతికి సితార ఎంటెర్టైనమెంట్స్ రెండు సినిమాలు సంక్రాంతికి రిలీజ్ అవుతాయి. గతేడాది వాల్తేర్ వీరయ్య, వీరసింహ రెడ్డి సినిమాలతో ఒకే బ్యానర్ కు చెందిన రెండు సినిమాలు రిలీజ్ చేసి రికార్డు సృష్టించింది మైత్రీ మూవీస్. ఇప్పుడు ఆ రికార్డును సితార కూడా కూడా సమం చేసేలా ఉంది. బాలయ్య సినిమా టైటిల్ ను ఈ వినాయక్ చవితి కానుకగా రిలీజ్ చేయనున్నారు నిర్మాత నాగవంశీ.
