OG : ఓజీ బాక్సాఫీస్‌ లెక్కేంటి?

పవర్ స్టార్ పవన్ కల్యాణ్ నటిస్తున్న లేటెస్ట్ మూవీ ‘థే కాల్ హిమ్ ఓజీ’ (OG) బాక్సాఫీస్ వద్ద ఎలాంటి రికార్డులు సృష్టిస్తుందనే చర్చ టాలీవుడ్ వర్గాల్లో జోరుగా సాగుతోంది. పవన్ కల్యాణ్‌కు మాత్రమే కాదు, మొత్తం బాక్సాఫీస్‌కు కూడా ఒక లెక్కుంది. బాక్సాఫీస్ స్టాటిస్టిక్స్ చూస్తుంటే, ఈసారి పవన్ ఎట్టి పరిస్థితుల్లోనూ 300 కోట్ల గ్రాస్ మార్క్‌ను దాటాల్సిందే. ముందుగా, పవన్ కల్యాణ్ మునుపటి చిత్రం ‘వీరమల్లు’ బిజినెస్‌ను పరిశీలిస్తే ఆ సినిమా వరల్డ్‌వైడ్ థియేటరికల్ రైట్స్ 126 కోట్ల రూపాయలకు అమ్ముడు పోయాయి. అయితే, ‘ఓజీ’ విషయానికి వస్తే, దాని వరల్డ్‌వైడ్ థియేటరికల్ రైట్స్ 150-160 కోట్ల రూపాయల మధ్య ఉన్నట్లు ట్రేడ్ వర్గాలు అంచనా వేస్తున్నాయి. దీంతో, సినిమా బ్రేక్ ఈవెన్ చేరుకోవాలంటే కనీసం 300 కోట్ల గ్రాస్ కలెక్షన్స్ రావాల్సి ఉంటుంది. ఈ టార్గెట్‌ను చేరుకోవడం పవన్ కల్యాణ్ ఫ్యాన్స్‌కు, నిర్మాతలకు కీలకమైన అంశం.

Also Read :OG : పవన్ కల్యాణ్‌ వద్దన్నా ఆగని హైప్.. ఇదేం క్రేజ్..

ఇక, డైరెక్టర్ సుజిత్ విషయానికి వస్తే… ‘సాహో’ ఫ్లాప్ తర్వాత ఐదేళ్ల గ్యాప్ తీసుకున్నాడు. అనుకోకుండా పవన్ కల్యాణ్‌ను డైరెక్ట్ చేసే అవకాశం రావడంతో, ‘ఓజీ’ హిట్ అయితే సుజిత్ మళ్లీ ఫామ్‌లోకి వస్తాడని అంచనాలున్నాయి. సుజిత్ గతంలో ‘సాహో’తో పెద్ద ఎదురుదెబ్బ తిన్నాడు కాబట్టి, ఈ సినిమాతో తన సత్తా చాటాలని పట్టుదలగా ఉన్నాడు. ‘వీరమల్లు’ సినిమా ఐదేళ్లపాటు సెట్స్‌పైనే ఉండడం, డైరెక్టర్ మారడంతో సినిమాకు రావాల్సిన హైప్ రాలేదు. దీంతో, సినిమాను ప్రేక్షకుల్లోకి తీసుకెళ్లడానికి పవన్ కల్యాణ్ నాలుగు రోజులపాటు ఇంటర్వ్యూలు, ప్రెస్ మీట్స్‌లో పాల్గొనాల్సి వచ్చింది. కానీ, ‘ఓజీ’కి అలాంటి పరిస్థితి లేదు. ఇప్పటివరకు కనిపించని పవన్, ప్రీ-రిలీజ్ ఈవెంట్‌తో ముందుకు వచ్చాడు. ఈ సినిమా ఈ నెల 25న థియేటర్లలోకి రానుంది. దీంతో, పవన్ ఫ్యాన్స్‌లో భారీ అంచనాలు నెలకొన్నాయి. మొత్తంగా చూస్తే, ‘ఓజీ’ సినిమా పవన్ కల్యాణ్ కెరీర్‌లో మరో మైలురాయిగా నిలవనుంది. 300 కోట్ల గ్రాస్ టార్గెట్ చేరుకుంటే, బాక్సాఫీస్ రికార్డులు బద్దలవుతాయి. రిలీజ్ డేట్ దగ్గర పడుతుండటంతో, టాలీవుడ్ వర్గాలు ఉత్కంఠగా ఎదురుచూస్తున్నాయి. ‘ఓజీ’ ఎలాంటి సంచలనాలు సృష్టిస్తుందో చూడాలి!