షూటింగ్ ప్రారంభించిన నాగశౌర్య

యంగ్ టాలెంటెడ్ హీరో నాగశౌర్య తాజాగా షూటింగ్ ను తిరిగి ప్రారంభించారు. ఇరా క్రియేషన్స్ బ్యానర్‌లో అనీష్ కృష్ణ దర్శకత్వంలో నాగశౌర్య 22వ చిత్రం తెరకెక్కుతున్న విషయం తెలిసిందే. ఇంకా టైటిల్ ఖరారు చేయని ఈ చిత్రాన్ని “ఎన్ఎస్22” పేరుతో పిలుస్తున్నారు. అయితే కరోనా తరువాత సినిమా షూటింగ్ ను తిరిగి ప్రారంభించామని ప్రకటిస్తూ ఓ పోస్టర్ ను విడుదల చేశారు. అందులో నాగశౌర్య, ఆయన తల్లి ఉషా ముల్పూరి, హీరోయిన్, దర్శకుడు ఉన్నారు. హైదరాబాద్ లో సినిమాకు సంబంధించిన కొత్త షెడ్యూల్ ను నేడు ప్రారంభించారు.

Read Also : “వాలిమై” యూరప్ ట్రిప్ ?

ఈ చిత్రంలో నాగశౌర్య సరసన షిర్లీ సెటియా హీరోయిన్ గా నటిస్తోంది. మనసులను హత్తుకునే అద్భుతమైన ఫ్యామిలీ ఎంటర్టైనర్ గా రూపొందనున్న ఈ చిత్రంలో సీనియర్ నటి రాధికా ఓ కీలకమైన పాత్రలో కన్పించబోతోంది. ఈ చిత్రాన్ని ఉషా ముల్పూరి నిర్మిస్తుండగా, శంకర్ ప్రసాద్ ముల్పురి దీనిని సమర్పించారు. మహతి స్వర సాగర్ సంగీతాన్ని అందిస్తున్నారు. కరోనా సెకండ్ వేవ్ సమయంలో నాగశౌర్య నటిస్తున్న మూడవ చిత్రమిది. ప్రస్తుతం ఈ యంగ్ హీరో “వరుడు కావలెను” అనే ఫ్యామిలీ ఎంటర్టైనర్ తో, “లక్ష్య” అనే స్పోర్ట్స్ డ్రామాతో బిజీగా ఉన్నాడు.