Nithiin : ఒకేసారి రెండు సినిమాల షూటింగ్స్ లో నితిన్

టాలీవుడ్ యంగ్ హీరో నితిన్ వరుస సినిమాల షూటింగ్స్ తో బిజీగా ఉన్నారు. తనకు కెరీర్ బెస్ట్ హిట్ ఇచ్చిన వెంకీ కుడుములు దర్శకత్వంలో రాబిన్ హుడ్ సినిమా చేస్తున్నాడు నితిన్. ఈ చిత్ర షూటింగ్ ఫైనల్ వర్క్ జరిగుతోంది. ఒకవైపు ఈ సినిమా షూట్ లో ఉండగానే మరో సినిమా షూట్ లో పాల్గొన్నాడు నితిన్. వకీల్ సాబ్ తో సూపర్ హిట్ కొట్టిన వేణు శ్రీరామ్ డైరెక్షన్ లో తమ్ముడు సినిమా షూట్ లో పాల్గొంటున్నాడు నితిన్. రాబిన్ హుడ్ క్రిస్మస్ కానుకగా డిసెంబరు 25న విడుదల కానుండగా తమ్ముడు వచ్చే ఏడాది ఫిబ్రవరిలో రిలీజ్ కానుంది.

Also Read : Pushpa – 2 : RRR ట్రైలర్ రికార్డును పుష్ప – 2 బ్రేక్ చేసేనా..?

కాగా నితిన్ మరో రెండు సినిమాలకు గ్రీన్ సిగ్నల్ ఇచ్చిన సంగతి తెలిసిందే. నితిన్ తో ఇష్క్ సినిమాను తెరకెక్కించిన డైరెక్టర్ విక్రమ్ కె కుమార్ దర్శకత్వంలో మరో సినిమా చేస్తున్నాడు ఈ యంగ్ హీరో. ఈ సినిమా ప్రముఖ నిర్మాణ సంస్థ యువీ సంస్థ వద్దకు చేరింది. దీనితోపాటు బలగం వేణు కథను ఓకే చేసాడు నితిన్. ఈ సినిమా కోసం నిర్మాత దిల్ రాజు ఇప్పటికే యల్లమ్మ అనే టైటిల్ ను రిజిస్టర్ చేసి ఉంచారు.   విక్రమ్ కే కుమార్ సినిమాను వేణుతో చేయబోయే ఎల్లమ్మ సినిమాను ఒకేసారి సమాంతరంగా చేసేలా ప్లానింగ్ చేస్తున్నడు నితిన్. కాగా  ఎల్లమ్మ సినిమాను వచ్చే ఏడాది దసరా కానుకగా రిలీజ్ చేస్తామని నిర్మాత దిల్ రాజు ఇటీవల ప్రకటించారు. ఈ నాలుగు సినిమాలతో నితిన్ స్ట్రాంగ్ కంబ్యాక్ ఇవ్వాలని ఫ్యాన్స్ ఆశగా ఎదురుచూస్తున్నారు.