NBK50inTFI : సింగపూర్ లో బాలయ్య 50ఇయర్స్ సినీ స్వర్ణోత్సవ వేడుకలు..

31 ఆగస్టు, సింగపూర్: తెలుగు చలనచిత్ర రంగంలో అగ్రహీరో నందమూరి బాలకృష్ణ (NBK) గారి సినీ ప్రస్థానంలో 50 ఏళ్ళు పూర్తి చేసుకున్న సందర్భంగా, NBK అభిమానులు సింగపూర్ లోని అభిరుచులు ఫంక్షన్ హాల్ లో ప్రత్యేకంగా సమావేశమయ్యారు. 100 మందికి పైగా అభిమానులు ఈ కార్యక్రమంలో పాల్గొన్నారు. కార్యక్రమం కేక్ కటింగ్ తో ప్రారంభమైంది, తదనంతరం ప్రముఖ సినీ దర్శకులు బోయపాటి శ్రీను, బి. గోపాల్, అనిల్ రావిపూడి తమ అభినందనలు తెలిపారు. NBK అభిమానులు బాలకృష్ణ గారి సినిమాలతో తమ అనుబంధాన్ని, అనుభవాలను పంచుకున్నారు. పాతూరి రాంబాబు మాట్లాడుతూ NBK గారి నుండి నేర్చుకున్న కుటుంబ విలువలు, సామాజిక సేవ, కష్టపడి పని చేసే స్వభావం వంటి విలువలను యువతకు ఎలా చేరవేయాలో వివరించారు. కార్యక్రమం సమయంలో NBK అభిమానులు బాలయ్య సినిమాల పాటలకు నృత్యాలు చేసి ఉత్సాహాన్ని నింపారు. ప్రతి ఒక్కరూ డ్యాన్స్ లో పాల్గొని, ఈవెంట్‌ను మరింత రసవత్తరంగా మార్చారు. ఈ వేడుక రుచికరమైన తెలుగు విందుతో ముగిసింది. సింగపూర్ లోని NBK అభిమానులు బాలకృష్ణ గారికి మంచి ఆరోగ్యం కలగాలని, ఇంకా మరిన్ని అద్భుతమైన సినిమాలు ఇవ్వాలని కోరుకుంటూ తమ మనస్పూర్తి అభిలాషలను తెలియజేశారు. కార్యక్రమ నిర్వాహకులు., ముఖ్యంగా బీమినేని వెంకట్ ,నాదెండ్ల మురళి,గుడిపూడి మధు & వెలగా బాలకృష్ణ గారికి మరియు అభిరుచులు రెస్టారెంట్ మేనేజ్‌మెంట్‌కి అభిమానులు కృతజ్ఞతలు తెలిపారు.