NBK 111 : బాలయ్య – గోపిచంద్ మలినేని సినిమా రిలీజ్ డేట్ ఇదే

గాడ్ ఆఫ్ మాసెస్, నటసింహం నందమూరి బాలకృష్ణ, మాస్ డైరెక్టర్ గోపీచంద్ మలినేని కాంబినేషన్‌లో వస్తున్న క్రేజీ ప్రాజెక్ట్ ‘NBK111’. వృద్ధి సినిమాస్ బ్యానర్ పై సతీష్ కిలారు భారీ బడ్జెట్ పై నిర్మిస్తున్నారు. తాజాగా ఈ సినిమాకు సంబంధించి టాలీవుడ్ సర్కిల్స్‌లో ఒక దిమ్మతిరిగే వార్త చక్కర్లు కొడుతోంది. భారీ అంచనాల మధ్య తెరకెక్కుతున్న ఈ సినిమాను క్రిస్మస్ కానుకగా డిసెంబర్ 24న ప్రపంచవ్యాప్తంగా థియేటర్లలో విడుదల చేసేందుకు మేకర్స్ పక్కా ప్రణాళికతో ముందుకు సాగుతున్నారు.

కాగా ఈ సినిమా షూటింగ్ కాకినాడలో జరుగుతున్న సమయంలో బాలయ్యకు ప్రమాదం జరగడంతో మోకాలుసర్జరీ చేసారు. దాంతో కొద్దీ రోజులుగా బాలయ్య విశ్రాంతి తీసుకుంటున్నారు. మరికొద్ది రోజుల్లో ఈ సినిమా సెట్స్ లో బాలయ్య తిరిగి జాయిన్ కాబోతున్నారు. అక్టోబర్, నవంబర్ నెలల్లో నాన్-స్టాప్‌గా షూటింగ్ జరిపి, నవంబర్ చివరి నాటికి టాకీ పార్ట్ & సాంగ్స్ పూర్తి చేయాలని చిత్ర బృందం భావిస్తోంది. ఆ తర్వాత వచ్చే డిసెంబర్ నెలలో పోస్ట్ ప్రొడక్షన్ పనులతో పాటు ప్రమోషన్స్‌ను వేగవంతం చేసి, క్రిస్మస్ హాలిడేస్‌ను క్యాష్ చేసుకునేలా డిసెంబర్ 24న థియేటర్లలోకి తీసుకురావడానికి ప్లాన్ చేస్తున్నారు. ‘వీరసింహారెడ్డి’ లాంటి బ్లాక్‌బస్టర్ హిట్ తర్వాత బాలకృష్ణ, గోపీచంద్ మలినేని కాంబినేషన్ మళ్లీ రిపీట్ అవుతుండటంతో ఈ చిత్రంపై అభిమానుల్లో, సినీ వర్గాల్లో భారీ అంచనాలు నెలకొన్నాయి. హై-వోల్టేజ్ మాస్ యాక్షన్ డ్రామాగా రూపొందుతున్న ఈ సినిమా డిసెంబర్ బాక్సాఫీస్ వద్ద రికార్డుల సునామీ సృష్టిస్తుందని ట్రేడ్ పండితులు భావిస్తున్నారు.