Alias Rukmini: నితిన్‌ను ట్రాక్‌లోకి తెచ్చేందుకు నాని మాస్టర్ ప్లాన్.. రేపు ఉదయం 10:08కి బిగ్ బ్లాస్టింగ్ అప్‌డేట్!

Alias Rukmini: సరైన సాలిడ్ హిట్ కోసం చూస్తున్న యంగ్ హీరో నితిన్‌కు ఇప్పుడు ఒక బలమైన సపోర్ట్ దొరికింది. హీరోగా వరుస సక్సెస్‌లతో దూసుకుపోతున్న న్యాచురల్ స్టార్ నాని, ఈసారి నితిన్‌కు కెరీర్ బెస్ట్ హిట్ ఇవ్వడమే లక్ష్యంగా రంగంలోకి దిగారు. నాని తన సొంత నిర్మాణ సంస్థ అయిన ‘యూనానిమస్ ప్రొడక్షన్స్’ (uNANImous Productions) బ్యానర్‌పై నితిన్ హీరోగా సరికొత్త చిత్రాన్ని నిర్మిస్తుండటం టాలీవుడ్ వర్గాల్లో పెద్ద హాట్ టాపిక్‌గా మారింది. ఈ క్రేజీ ప్రాజెక్ట్‌కు ‘అలియాస్ రుక్మిణి’ అనే డిఫరెంట్ టైటిల్‌ను మేకర్స్ ఫిక్స్ చేశారు. ‘దండోరా’ చిత్రంతో మంచి గుర్తింపు తెచ్చుకున్న టాలెంటెడ్ డైరెక్టర్ మురళీకాంత్ దేవసోత్ ఈ చిత్రానికి దర్శకత్వం వహిస్తున్నారు. నితిన్ సరసన ఆఫియా హీరోయిన్‌గా నటిస్తోంది.

నిర్మాతగా కంటెంట్ ఉన్న కథలనే ఎంచుకునే నాని, ఈ సినిమా అవుట్‌పుట్ చూసి ఫుల్ ఖుషీగా ఉన్నట్లు సమాచారం. నితిన్ ఈ చిత్రంతో బాక్సాఫీస్ వద్ద పక్కాగా బౌన్స్ బ్యాక్ అవుతాడనే నమ్మకం నాని మాటల్లో కనిపిస్తోంది. ఇప్పటికే ఇండస్ట్రీ సర్కిల్స్‌లో ఈ సినిమా కథ, టేకింగ్‌పై భారీ చర్చ నడుస్తోంది. నాని పర్యవేక్షణలో తెరకెక్కుతున్న ప్రాజెక్ట్ కావడంతో ప్రేక్షకుల్లోనూ అంచనాలు ఆకాశాన్ని తాకుతున్నాయి. ఇక ఈ సినిమా థియేట్రికల్ రిలీజ్‌కి సంబంధించి మేకర్స్ కీలక నిర్ణయం తీసుకున్నారు. రేపు (శుక్రవారం) ఉదయం సరిగ్గా 10:08 గంటలకు ‘అలియాస్ రుక్మిణి’ రిలీజ్ డేట్‌ను అధికారికంగా ప్రకటించనున్నట్లు నిర్మాణ సంస్థ ప్రకటించింది. ఈ ప్రకటనతో సినిమా ప్రమోషన్ల జోరు పెంచాలని చిత్ర బృందం భావిస్తోంది. నితిన్ యాక్టింగ్ పొటెన్షియల్, మురళీకాంత్ మేకింగ్, నాని ప్రొడక్షన్ వేల్యూస్ తోడైతే బాక్సాఫీస్ వద్ద ఎలాంటి మ్యాజిక్ క్రియేట్ అవుతుందో చూడాలి.