Aasman Teaser: శ్రీహరి కొడుకు మేఘాంశ్ ‘ఆస్మాన్’ టీజర్ రిలీజ్.. ఆ అడవిలో అసలు ఏం జరుగుతోంది?
- Follow Us :
-
-
Add as a preferred
source on google
Aasman Teaser: దివంగత ‘రియల్ స్టార్’ శ్రీహరి తనయుడు మేఘాంశ్ శ్రీహరి కథానాయకుడిగా నటిస్తున్న సరికొత్త యాక్షన్ సైకలాజికల్ హారర్ థ్రిల్లర్ చిత్రం ‘ఆస్మాన్’ (Aasmaan) అఫీషియల్ టీజర్ నేడు (2026 సెప్టెంబర్ 16) గ్రాండ్గా విడుదలైంది. రాక్ స్టార్ మంచు మనోజ్ ముఖ్య అతిథిగా విచ్చేసి హైదరాబాద్లో జరిగిన ఈ ప్రత్యేక కార్యక్రమంలో ‘ఆస్మాన్’ టీజర్ను ఆఫీషియల్ గా లాంచ్ చేశారు. ఈ మిస్టిక్ హారర్ థ్రిల్లర్ చిత్రాన్ని కాంబోడియాలో జరిగిన కొన్ని వాస్తవ సంఘటనల ఆధారంగా అడవి బ్యాక్డ్రాప్లో తెరకెక్కించారు. టీజర్లో చూపించిన విజువల్స్, యాక్షన్ సీక్వెన్సులు, హారర్ ట్విస్టులు సినిమాపై బజ్ పెంచుతుండగా, మేఘాంశ్ తన తండ్రిని గుర్తుకు తెచ్చేలా పవర్ఫుల్ మాస్ లుక్లో కనిపించి ప్రేక్షకుల నుండి మంచి రెస్పాన్స్ అందుకుంటున్నారు.
‘ఆస్మాన్’ టీజర్లో ఒక కుటుంబాన్ని ప్రధానంగా పరిచయం చేశారు. ఆ కుటుంబం కొన్ని మూఢనమ్మకాలను గట్టిగా నమ్ముతూ, దుష్ట శక్తులతో సంబంధం ఉన్నట్లు అనిపించే కొన్ని కలవరపరిచే పనులు చేస్తుంటుంది. పరిస్థితులు క్రమంగా ప్రమాదకరంగా మారుతున్న సమయంలో మేఘంశ్ పాత్ర రంగంలోకి దిగినట్లు టీజర్ చూపిస్తోంది. అసలు ఆ కుటుంబానికి ఎదురైన సమస్య ఏమిటి? మేఘంశ్ దానిని పరిష్కరించేందుకు ఎందుకు ప్రయత్నిస్తున్నారనే విషయాలను మాత్రం టీజర్లో పూర్తిగా రివీల్ చేయలేదు. టీజర్ను ఆసక్తికరమైన విజువల్స్, సస్పెన్స్తో కట్ చేశారు. కథను బయటపెట్టకుండా కేవలం కొన్ని సన్నివేశాలతోనే క్యూరియాసిటీ పెంచే ప్రయత్నం చేశారు. టీజర్ చూస్తుంటే కంటెట్ గట్టిగానే ఉన్నట్లు అనిపిస్తోంది.
Also Read
మేఘంశ్ శ్రీహరి ఇప్పటికే ‘రాజ్ దూత్’, ‘కోతి కొమ్మచ్చి’ సినిమాల్లో నటించినప్పటికీ సరైన బ్రేక్ మాత్రం రాలేదు. అయితే ఇప్పుడు ‘ఆస్మాన్’తో మరోసారి తనను తాను కొత్తగా చూపించుకునే ప్రయత్నం చేస్తున్నారు. ఈ సినిమా కేవలం తెలుగు ప్రేక్షకులకే పరిమితం కాకుండా పాన్ ఇండియా స్థాయిలో విడుదల చేయాలని మేకర్స్ ప్లాన్ చేస్తున్నారు. అంతేకాదు అరబిక్ భాషలో కూడా సినిమాను రిలీజ్ చేయనున్నారు. రామ్ నందన్ దర్శకత్వం వహిస్తున్న ఈ చిత్రంలో మేఘాంశ్ సరసన రాయంచ హీరోయిన్గా నటిస్తుండగా, రవివర్మ, కమల్ కామరాజు కీలక పాత్రలు పోషిస్తున్నారు. శ్రీ క్లీంకార సెల్యూలాయిడ్ బ్యానర్పై వెంకటేష్ కొండారు, శ్రీకాంత్ మన్నెం సంయుక్తంగా నిర్మిస్తున్న ఈ సినిమాకు ప్రశాంత్ ఆర్. విహారి సంగీతాన్ని అందిస్తున్నారు. ప్రస్తుతం టీజర్ ద్వారా క్యూరియాసిటీ పెంచిన మేకర్స్ త్వరలోనే థియేట్రికల్ రిలీజ్ డేట్ను ప్రకటించనున్నారు. ఇక ‘ఆస్మాన్’లో దాగి ఉన్న అసలు మిస్టరీ ఏంటో తెలియాలంటే అప్పటివరకు వేచి చూడాల్సిందే.
- Tags
- Aasman Teaser
- cinema
తాజావార్తలు
-
Koti Deepotsavam 2026 : మీనాక్షి సుందరేశ్వరుల కల్యాణంతో కోటి దీపోత్సవంలో భక్తి పారవశ్యం.!
-
Sharwa : డబ్బులు పెట్టి వ్యూస్ కొనుక్కునే స్థితిలో మేము లేము.. ‘భోగి’ వేదికపై శర్వానంద్ సంచలన వ్యాఖ్యలు!
-
Kartik Purnima 2026: కార్తీక పౌర్ణమి నాడు చంద్రుడికి అర్ఘ్యం.. సరైన టైమ్ ఇదే.!
-
Dimple Hayathi: ఇప్పటిదాకా నన్ను గ్లామర్ డాల్గానే చూశారు.. ఆ పాత్ర కోసం అన్నీ వదిలేశా!
-
Sampath Nandi: శర్వానంద్కు నేషనల్ అవార్డు రాకపోతే అడగండి
ట్రెండింగ్
-
Store Fresh Coconut: కొబ్బరికాయ కొట్టాక త్వరగా పాడవుతోందా?.. ఈ టిప్స్ ట్రై చేయండి.!
-
Agniveers: కీలక నిర్ణయం తీసుకున్న కేంద్ర ప్రభుత్వం.. అగ్నివీరులకు భారీ ఊరట..
-
NASA Astronaut Video: అంతరిక్షంలో నీటి బిందువుల విన్యాసం.. వెనుక ఉన్న అసలు సైన్స్ ఇదే..
-
Yuvraj Singh: పంత్ విధ్వంసానికి యువరాజ్ ఫిదా.. బ్యాట్తోనే సమాధానమిచ్చావంటూ ప్రశంసలు!
-
Vegetable Biryani Recipe: ఇంట్లోనే రెస్టారెంట్ రుచి.. తెల్లగా, మెతుకు మెతుకు విడివిడిగా ఉండే ‘వెజిటబుల్ బిర్యానీ’ ఇలా చేసేయండి..!