Marco: మోస్ట్ వయలెంట్ ఫిలిం ఓటీటీకి వస్తోంది.. ఎప్పుడంటే?

MARCO OTT Release: ఉన్ని ముకుందన్ హీరోగా నటించిన బ్లాక్ బస్టర్ మూవీ ‘మార్కో’ OTT విడుదలకు సిద్ధంగా ఉంది. ఈ చిత్రం ఫిబ్రవరి 14న సోనీ లివ్ ప్లాట్‌ఫామ్‌లో ప్రసారం కానుంది. ఈ సినిమా స్ట్రీమింగ్ రైట్స్‌ని సోనీ రికార్డ్ మొత్తానికి సొంతం చేసుకుంది. హనీఫ్ అదేని దర్శకత్వం వహించిన ఈ సినిమా గతేడాది సంచలన విజయం సాధించిన చిత్రాలలో ఒకటిగా నిలిచింది. 100 కోట్ల క్లబ్‌లో ఉన్ని ముకుందన్‌కి ‘మార్కో’ రెండో సినిమా. మొదటిది 2022లో విడుదలైన ‘మలికప్పురం’.

Fatima Sana Sheikh: అవకాశాల కోసం హైదరాబాద్ వస్తే ప**వాలన్నారు.. దంగల్ నటి సంచలనం!

మలయాళం సహా తెలుగు, తమిళం, హిందీ భాషల్లో మార్కో ప్రేక్షకుల ముందుకు వచ్చింది. క్యూబ్స్ ఎంటర్‌టైన్‌మెంట్ బ్యానర్‌పై షరీఫ్ ముహమ్మద్ నిర్మించిన, హనీఫ్ అదేని దర్శకత్వం వహించిన ఈ చిత్రం డిసెంబర్ 20న కేరళలో విడుదలైంది. యానిమల్, కిల్ వంటి బాలీవుడ్ చిత్రాల తరహాలో మోస్ట్ వయలెంట్ ఫిలింగా మారింది ‘మార్కో’. ఈ చిత్రం 5 భాషల్లో విడుదలైంది. క్యూబ్స్ ఎంటర్‌టైన్‌మెంట్‌ డిస్ట్రిబ్యూటర్‌గా వ్యవహరించింది. ఉన్ని ముకుందన్ రఫ్ గెటప్‌లో పర్ఫెక్ట్ గ్యాంగ్‌స్టర్ లుక్‌లో కనిపించాడు. ప్రముఖ యాక్షన్ దర్శకుడు కలై కింగ్‌స్టన్ ఈ చిత్రంలో అసాధారణ హింసాత్మక సన్నివేశాలు, భారీ మాస్ యాక్షన్‌ సీక్వెన్స్ లు రూపొందించారు.