“సర్కారు వారి పాట” లీక్స్ పై మహేష్ అసంతృప్తి
మహేష్ బాబు హీరోగా “సర్కారు వారి పాట” చిత్రం రూపొందుతున్న విషయం తెలిసిందే. పరశురామ్ దర్శకత్వంలో అత్యధిక భారీ బడ్జెట్ చిత్రంగా తెరకెక్కుతున్న ఈ మూవీలో కీర్తి సురేష్ హీరోయిన్ గా నటిస్తోంది. తమన్ సంగీతం అందిస్తున్నారు. కరోనా కారణంగా వాయిదా పడిన ఈ సినిమా ఇటీవలే తాజా షెడ్యూల్ స్టార్ట్ చేసింది. అయితే మహేష్ బాబు చిత్రానికి కూడా ఇప్పుడు లీకుల బాధ తప్పట్లేదు. గత కొన్ని రోజులుగా ఈ చిత్రంలోని కొన్ని సెట్ వర్క్ పిక్స్, కీ స్నాప్స్ సోషల్ మీడియాలో చక్కర్లు కొడుతున్నాయి.
Read Also : “ఆర్ఆర్ఆర్” ప్రమోషనల్ సాంగ్ కోసం స్పెషల్ డైరెక్టర్ ?
అందులో భాగంగానే మహేష్ చెప్పిన డైలాగ్ కి సంబంధించిన వీడియో ఒకటి వైరల్ అయ్యింది. దీంతో చిత్ర బృందం సినిమాకు సంబంధించిన ఎలాంటి లీకులు బయటకు రావద్దని, సస్పెన్స్ కంటిన్యూ చేయాలని టీం మొత్తాన్నీ అభ్యర్థించారట. మహేష్ కూడా ఈ విషయంపై అసంతృప్తి వ్యక్తం చేసినట్టు తెలుస్తోంది. సినిమా కథ విషయాన్ని సస్పెన్స్ గా ఉంచారు కాబట్టి ఈ లీకులు ప్రేక్షకులకు సినిమాపై ఆసక్తిని తగ్గించేస్తాయని ఆయన భావిస్తున్నారట. ప్రొడక్షన్ హౌస్ సెట్స్ లో జాగ్రత్తగా ఉండాలని, అలాగే కఠినంగా ఉండాలని మహేష్ హెచ్చరించారని సమాచారం. మరి ఇప్పటికైనా లీకులు ఆగుతాయేమో చూడాలి.