‘Varanasi’ Surprise: మహేష్ బాబు బర్త్ డే రోజు ‘వారణాసి’ మేకర్స్ సర్‌ప్రైజ్ అనౌన్స్‌మెంట్! చూశారా?

‘Varanasi’ Surprise: ప్రపంచ వ్యాప్తంగా అత్యంత ఆసక్తిగా ఎదురుచూస్తున్న పాన్ – వరల్డ్ గ్రాండ్ ప్రాజెక్ట్ ‘వారణాసి’. ఈ సినిమా ప్రమోషన్స్ ఇప్పుడు సరికొత్త పుంతలు తొక్కుతున్నాయి. సినిమా విడుదలకు ముందే డిజిటల్, ప్రమోషనల్ ప్రచారంలో జోరు పెంచిన మేకర్స్.. తాజాగా సూపర్ స్టార్ మహేష్ బాబు బర్త్ డే రోజున అభిమానుల కోసం అఫీషియల్ మర్చండైజ్ (Official Merchandise) ప్రకటనతో సర్ ప్రైజ్ ఇచ్చారు. చిత్ర యూనిట్ పంచుకున్న వివరాల ప్రకారం.. ‘వారణాసి’ థీమ్‌తో ప్రత్యేకంగా డిజైన్ చేసిన V-Neck టీ-షర్టులు (BOB), ‘రామ పిరమిడ్’ (Rama Piramid) కాన్సెప్ట్ ఉత్పత్తులు, ప్రత్యేకంగా రూపొందించిన ‘బోర్డ్ గేమ్స్’ (Board Game) త్వరలోనే మార్కెట్లోకి విడుదల కానున్నాయని వెల్లడించారు.

అఫీషియల్ మర్చండైజ్ సేల్స్ ప్రత్యక్షంగా అందుబాటులోకి రాకముందే అభిమానుల కోసం ఒక ప్రత్యేక అవకాశాన్ని కల్పించారు. ఆసక్తి ఉన్నవారు మేకర్స్ విడుదల చేసిన అధికారిక వెబ్‌సైట్ ([varanasimovie.com](https://www.google.com/search?q=https://varanasimovie.com)) సందర్శించి ముందస్తుగా ‘వెయిటింగ్ లిస్ట్’ లో నమోదు చేసుకోవచ్చని తెలిపారు. ఈ లిస్ట్‌లో జాయిన్ అయిన వారికి మర్చండైజ్‌కు సంబంధించిన అప్‌డేట్లు అందరికంటే ముందుగా చేరడమే కాకుండా, వెబ్‌సైట్ అవతలి వైపు ఒక ప్రత్యేకమైన సర్‌ప్రైజ్ కూడా కాచుకుని ఉంటుందని హింట్ ఇచ్చారు. ఈ వినూత్నమైన ప్రమోషన్ కాన్సెప్ట్ ప్రస్తుతం సోషల్ మీడియాలో విపరీతంగా ట్రెండ్ అవుతోంది. దర్శకధీరుడు ఎస్.ఎస్. రాజమౌళి దర్శకత్వంలో తెరకెక్కుతున్న ఈ చిత్రంలో సూపర్‌స్టార్ మహేశ్, ప్రియాంక చోప్రా, పృధ్వీరాజ్ సుకుమారన్ కీలక పాత్రల్లో నటిస్తున్నారు. ఈ చిత్రాన్ని వచ్చే ఏడాది ఏప్రిల్ 7న విడుదల చేయబోతున్న సంగతి తెలిసిందే. ఈ రోజు మహేష్ బాబు బర్త్ డే సందర్భంగా మేకర్స్ అనౌన్స్ చేసిన ఈ స్పెషల్ అనౌన్స్‌మెంట్ ప్రస్తుతం ఫ్యాన్స్‌లో ఫుల్ జోష్ నింపుతుంది.

BOB
V-Neck
Rama Piramid
Board game….

Hello from the world of #Varanasi…. Official Merchandise will be unveiled in the coming days. But before we get there… join the waiting list and be the first to know when it goes live!!! 😉

Something special might just be waiting for you…

— Varanasi (@VaranasiMovie) August 9, 2026