Kushal Sharma eliminated from Telugu Indian Idol 3: ఆహా ఓటీటీ ప్లాట్ఫారమ్లో ప్రసారమైన తాజా ఎపిసోడ్లో కంటెస్టెంట్ కుశాల్ శర్మ ఎలిమినేట్ కావడంతో తెలుగు ఇండియన్ ఐడల్ సీజన్ 3లో కాంపిటీషన్ రసవత్తరంగా మారిందని చెప్పొచ్చు. జూన్ 14, 2024న ప్రారంభమైన ఈ షో ఇప్పుడు కీలకమైన ఎలిమినేషన్ దశలోకి ప్రవేశించింది. ప్రేక్షకుల ఓటింగ్తో పాటు న్యాయమూర్తుల స్కోర్లు కంటెస్టెంట్స్ భవిష్యత్తును నిర్ణయిస్తాయని చెప్పొచ్చు. శ్రీరామ్ చంద్ర హోస్ట్ చేసిన మొదటి ఎలిమినేషన్ రౌండ్లో, ముగ్గురు కంటెస్టెంట్స్-స్కంద, భరత్ రాజ్ కుశాల్ శర్మ- జడ్జిల నుండి తక్కువ స్కోర్లు అందుకుని డేంజర్ జోన్లోకి ప్రవేశించారు. తోటి కంటెస్టెంట్స్ భరత్ రాజ్, స్కందతో కుశాల్ తలపడ్డాడు. స్కంద అత్యధిక ఓట్లు పొంది, మొదట సేఫ్ అయ్యారు. కుశాల్, భరత్ ఎలిమినేషన్ లోకి వచ్చారు.
Deadpool & Wolverine: హైదరాబాద్ లో మార్వెల్ ఫ్యాన్స్ రచ్చ..
ఫైనల్ గా ప్రేక్షకుల నుంచి తక్కువ ఓట్లు పొందిన కుశాల్ ఎలిమినేట్ అయ్యారు. ఇక సింగర్ కార్తీక్ నుంచి ప్రేరణ పొందిన కుశాల్, షోలో తన అనుభవాన్ని ‘జీవితంలో ఒక్కసారే వచ్చే అవకాశం’ అని చెప్పాడు. అతను ఈ వేదికని దేవాలయంగా, న్యాయనిర్ణేతలను తన మార్గదర్శక వ్యక్తులుగా పేర్కొన్నాడు. తనను ఎంతగానో ప్రోత్సహించిన థమన్, గీతా మాధురి, కార్తీక్ కు హృదయపూర్వక కృతజ్ఞతలు తెలిపాడు. ఇక కుశాల్కు వీడ్కోలు పలికినప్పుడు తోటి కంటెస్టెంట్స్ ఎమోషనల్ అయ్యారు. ఈ ఎలిమినేషన్తో పోటీ తీవ్రమైంది, 11 మందికంటెస్టెంట్స్ ప్రతిష్టాత్మకమైన టైటిల్ కోసం పోటీ పడుతున్నారు. ఇక పెర్ఫార్మెన్స్ కొనసాగుతున్న కొద్దీ, పబ్లిక్ ఓటింగ్ , న్యాయనిర్ణేతల స్కోర్ల ఆధారంగా ప్రతి వారం ఒక కంటెస్టెంట్ ఎలిమినేట్ అవుతారు, చివరి వారాల్లో వైల్డ్ కార్డ్ ఎంట్రీలకు అవకాశం ఉంటుంది. ఇక కుశాల్ శర్మ ఎలిమినేట్ కావడంతో కుశాల్ తో కలిసి మదర్ ని లంచ్ కి ఇన్వైట్ చేశారు థమన్.
