టాలీవుడ్ దర్శకుడు క్రిష్ ఓ ఇంటివాడయ్యారు. ఇటీవల క్రిష్ పెళ్లికి సంబంధించిన వార్తలు వినిపించాయి. ఈ నేపథ్యంలో నేడు కార్తీక సోమవారం దివ్య ముహూర్తం సందర్భంగా డాక్టర్ ప్రీతి చల్లా, క్రిష్ జాగర్లముడి వివాహం జరిగింది.హైదరాబాద్లో సోమవారం జరిగిన ఈ వేడుకకు ఇరు కుటుంబ సభ్యులతో పాటు అతి కొద్దిమంది అతిథులు మాత్రమే హాజరైనట్టు తెలుస్తోంది. క్రిష్ తో తన మేడలో మూడు ముడులు వేసిన శుభ సందర్భంలో ఆ ఆనందాన్ని పంచుకుంటూ ఆ వెడ్డింగ్ ఫొటోను సోషల్ మీడియాలో పోస్ట్ చేసింది ప్రీతి. ప్రస్తుతం ఈ ఫొటోలు నెట్టింట వైరల్గా మారాయి హైదరాబాద్కు చెందిన డాక్టర్ ప్రీతి గైనకాలజిస్ట్గా పని చేస్తున్నారు.
Also Read : Balagam Venu : ‘ఎల్లమ్మ’ రిలీజ్ ఎప్పుడో చెప్పేసిన దిల్ రాజు
ఇక క్రిష్ సినిమాల విషయానికి వస్తే పవన్ కళ్యాణ్ హీరోగా తెరకెక్కిన హరిహర వీరమళ్లు సినిమాను 75 % షూట్ చేసాక ఈ సినిమా నుండి అనుకోని కారణాల వలన తప్పుకున్నాడు. ప్రస్తుతం అనుష్క్ శెట్టి లీడ్ రోల్ లో ఘాటీ అనే సినిమాకు దర్శకత్వం వహిస్తున్నాడు. తాజగా విడుదలైన ఈ చిత్ర ఫస్ట్ గ్లిమ్స్ ఆడియెన్స్ ను విశేషంగా ఆకట్టుకుంది. ఇక నూతనంగా ఒక్కటైనా క్రిష్ – ప్రీతీ జంటకు సోషల్ మీడియా వేదికగా నెటిజన్స్ విషెష్ తెలుపుతున్నారు. ఈ నెల 16న క్రిష్ ,ప్రీతిల వివాహ రిసెప్షన్ జరగనున్నట్టు సమాచారం. గతంలో ఓ లేడీ డాక్టర్ ను పెళ్లి చేసుకుని కొన్నాళ్ల తర్వాత పరస్పర అంగీకారంతో ఆ వైవాహిక బంధానికి ముగింపు పలుకుతూ విడాకులు తీసుకున్నారు క్రిష్. నేడు వివాహమాడిన ప్రీతి కూడా డాక్టర్ కావడం కొసమెరుపు.
