Kora: ఏప్రిల్లో ‘కోర’ విడుదల
విభిన్న కాన్సెప్ట్తో, హై వోల్టేజ్ యాక్షన్తో కూడిన ‘కోర’ అనే చిత్రాన్ని హీరో సునామీ కిట్టి నటించగా, ఒరాటశ్రీ భారీ స్థాయిలో నిర్మించారు. ఈ సినిమాలో చరిష్మా, పి.మూర్తి కీలక పాత్రలు పోషించారు. శ్రీ లక్ష్మీ జ్యోతి క్రియేషన్స్ బ్యానర్పై డా.ఎ.బి.నందిని, ఎ.ఎన్.బాలాజీ ఈ చిత్రాన్ని నిర్మించారు. ఇప్పటికే విడుదలైన పోస్టర్లు, గ్లింప్స్, టీజర్, పాటలు సినిమాపై అంచనాలను పెంచాయి.
తాజాగా ఆస్కార్ అవార్డు గ్రహీత చంద్రబోస్ విడుదల చేసిన “ఒప్పుకుందిరో” అనే పాట అందరినీ ఆకట్టుకుంది. ఇటీవల సినిమాకు సంబంధించిన ఓ కొత్త అప్డేట్ వెల్లడైంది. ఏప్రిల్ నెలలో ఈ చిత్రాన్ని విడుదల చేయనున్నారు. ఈ మేరకు అన్ని కార్యక్రమాలను పూర్తి చేసే పనిలో చిత్ర బృందం బిజీగా ఉంది. ప్రస్తుతం సెన్సార్ పనులు జరుగుతున్నాయి. త్వరలోనే ఈ సినిమా రిలీజ్ డేట్ను ప్రకటించనున్నారు. ఈ చిత్రానికి సెల్వం మాతప్పన్ సినిమాటోగ్రాఫర్గా వ్యవహరించగా, బిఆర్ హేమంత్ కుమార్ సంగీతాన్ని సమకూర్చారు. కె.గిరీష్ కుమార్ ఎడిటర్గా పని చేశారు.