Kajal Aggarwal: కెరీర్‌లో బికినీ వేయకపోవడంపై కాజల్ సంచలన వ్యాఖ్యలు!

టాలీవుడ్‌లో కాజల్ అగర్వాల్ అనే పేరు తెలియని వారు ఉండరు. ఒకప్పుడు స్టార్ హీరోలందరి సరసన నటించి, టాప్ హీరోయిన్‌గా చక్రం తిప్పిన ఆమె, తన అందం అభినయంతో కుర్రకారు మనసులను సైతం దోచుకుంది. నిజానికి ఆమె కెరీర్ పీక్ స్టేజ్‌లో ఉన్నప్పుడు ఎన్నో గ్లామరస్ పాత్రలలో కూడా నటించింది, కానీ ఒక విషయంలో మాత్రం దూరంగా ఉంది. నిజానికి ఆమె క్రేజీ స్పెషల్ సాంగ్స్ లాంటి ఐటెం సాంగ్స్ కూడా చేసింది, కానీ తన సుదీర్ఘ సినీ ప్రయాణంలో కాజల్ ఒక్కసారి కూడా బికినీ ధరించడానికి ఇష్టపడలేదు. ఆఫ్ స్క్రీన్ కొన్ని సార్లు బికినీ పిక్స్ సోషల్ మీడియాలో షేర్ చేసినా, ఆన్ స్క్రీన్ మాత్రం ఆమె ఒక్క సినిమాలో కూడా ధరించలేదు!

తాజాగా ఒక ఇంటర్వ్యూలో ఈ విషయం మీద స్పందించిన ఆమె, తాను బికినీ వేసుకోవడానికి ఎప్పుడూ కంఫర్టబుల్‌గా ఫీల్ అవ్వలేదని చెప్పుకొచ్చింది. కెరీర్ మొదటి నుంచి ఇప్పటివరకు ఎంత పెద్ద ప్రాజెక్ట్ వచ్చినా, ఎన్ని ఆఫర్లు ఇచ్చినా కూడా బికినీ సీన్ ఉంటే మాత్రం ఆ సినిమా చేయనని చెప్పేదాన్ని అని, తనకు కంఫర్టబుల్‌గా అనిపించని విషయాలు కచ్చితంగా చేయనని చెప్పుకొచ్చింది. నిజానికి ప్రస్తుతం కాజల్ తన ప్రొఫెషనల్ కంటే ఎక్కువగా పర్సనల్ విషయాల మీదనే ఫోకస్ పెడుతోంది. ఇటీవల వివాహం చేసుకొని ఒక బాబుకు జన్మనిచ్చిన ఆమె, ఒక తల్లిగా బాధ్యతలు నిర్వర్తిస్తూనే మరోపక్క సినిమాల్లో కూడా నటిస్తోంది. అయితే పెళ్ళికి ముందు గ్లామర్ హీరోయిన్‌గా కనిపించిన ఆమె, సెకండ్ ఇన్నింగ్స్‌లో మాత్రం గ్లామర్ పాత్రలకే పరిమితం కాకుండా నటనకు ప్రాధాన్యత ఉన్న పాత్రలు ఎంచుకుంటూ, మరోపక్క లేడీ ఓరియంటెడ్ సినిమాలు చేస్తూ ముందుకు వెళుతోంది.