Hrithik -NTR: చావో రేవో తేలాలిపుడే డ్యాన్స్!
జూనియర్ ఎన్టీఆర్ ఇప్పటికే తెలుగులో సూపర్ స్టార్గా సుపరిచితుడు. ఆర్ఆర్ఆర్ లాంటి పాన్ ఇండియా సినిమాతో ఆయన హిందీలో సైతం గుర్తింపు సంపాదించాడు. తర్వాత వచ్చిన దేవర రిజల్ట్ పక్కన పెడితే, ఇప్పుడు వార్ 2 సినిమాతో బాలీవుడ్ ఎంట్రీకి రంగం సిద్ధమైంది. యశ్రాజ్ ఫిల్మ్స్ బ్యానర్ మీద ఒక స్పై థ్రిల్లర్గా ఈ సినిమా రూపొందుతోంది. హృతిక్ రోషన్ హీరోగా నటిస్తున్న ఈ సినిమాలో జూనియర్ ఎన్టీఆర్ కీలక పాత్రలో నటిస్తున్నాడు.
Also Read:BV Pattabhiram: ప్రముఖ సైకాలజిస్ట్ బీవీ పట్టాభిరామ్ గుండెపోటుతో మృతి..
నిజానికి వీరిద్దరూ కలిసి నటిస్తున్నారని ప్రకటన వచ్చినప్పటి నుంచే సినిమా మీద భారీ అంచనాలు ఉన్నాయి. ఈ నేపథ్యంలోనే వీరిద్దరూ కలిసి చేసే సినిమా బాక్సాఫీస్ వద్ద కూడా రికార్డులు బద్దలు కొడుతుందని మేకర్స్ నమ్ముతున్నారు. వీరిద్దరి క్రేజ్ సంగతి పక్కన పెడితే, వీరిద్దరి డాన్స్కి సపరేట్ ఫ్యాన్ బేస్ ఉంది. ఈ నేపథ్యంలోనే వీరిద్దరితో కలిసి ఒక యుద్ధంలాంటి డాన్స్ సీక్వెన్స్ ఒకటి ప్లాన్ చేశారు మేకర్స్. ప్రస్తుతానికి ఈ సాంగ్కి సంబంధించిన షూటింగ్ ముంబైలో జరుగుతోంది.
Also Read:Prabhas: ప్రభాస్ కాలికి ‘ఫౌజీ’ షూట్లో గాయం.. అసలేమైందంటే?
ఈ రోజు ఉదయం నుంచే ఈ సాంగ్ షూటింగ్ మొదలైనట్లుగా తెలుస్తోంది. ఈ ఇద్దరూ ఇప్పటికే కొద్ది రోజులుగా రిహార్సల్స్ చేస్తున్నారు. ఈ రోజు నుంచి ప్రారంభమైన షూటింగ్ కూడా ఆసక్తికరంగా సాగుతున్నట్లుగా తెలుస్తోంది. ఆదిత్య చోప్రా నిర్మిస్తున్న ఈ సినిమాని అయాన్ ముఖర్జీ డైరెక్ట్ చేస్తున్నాడు. ఇక ఈ సినిమా ఆగస్టు 14వ తేదీన రజనీకాంత్ కూలీ సినిమాతో పోటీ పడబోతుంది అనడం గమనార్హం.