సినిమా కోసం ఎలాంటి రిస్క్ అయినా తీసుకుంటాడు సూపర్ స్టార్ మహేష్ బాబు. కెరీర్ బిగినింగ్ లో టక్కరి దొంగ సినిమాలో కదిలే రైల్ కింద ఎలాంటి డూప్ లేకుండా రిస్కీ ఫైట్ చేసాడు. తన సినిమాలలో డూప్ ని వాడేందుకు ఇష్టపడడు మహేశ్. ప్రస్తుతం ఆయన రాజమౌళి దర్శకత్వంలో వారణాసి సినిమాలో నటిస్తున్న సంగతి తెలిసిందే. ఈ సినిమాలో పాత్ర కోసం మహేశ్ చేస్తున్న మేకోవర్, పడుతున్న శ్రమ గురించి తాజాగా కొన్ని ఆసక్తికర విషయాలను పంచుకున్నారు.
Also Read : Mahesh Babu : ‘పోకిరి’ నా జీవితాన్ని మార్చేసింది.. మళ్ళీ ‘వారణాసి’ తో అదే జరగబోతుంది
హాలీవుడ్ మీడియాతో మాట్లాడూతూ ‘ఈ సినిమాలోని తన పాత్ర కోసం దాదాపు ఏడాది కాలంగా శ్రమిస్తున్నాను. కేవలం నటనకు సంబంధించింది మాత్రమే కాదు, బాడీ షేప్ ను కూడా పూర్తిగా మార్చుకోవాల్సి వచ్చింది. ముఖ్యంగా ఈ సినిమాలో తన బాడీ లాంగ్వేజ్ ప్రత్యేకంగా ఉండబోతోంది. శ్రీరాముడి నడక, నిలబడే తీరులో ఉండే ఆ గాంభీర్యాన్ని, పర్ఫెక్షన్ను తీసుకురావడానికి నేను ప్రత్యేకంగా ‘కలరిపయట్టు’ అనే యుద్ధ విద్యలో శిక్షణ తీసుకున్నాను. నా నడక, నా నిలబడే శైలి.. ఇలా ప్రతిదీ మారిపోయాయి. ఆరు నెలల పాటు కఠినమైన శిక్షణ తీసుకున్న తర్వాత వచ్చి షూట్ చేసాక ఆ ఒక్క ‘షాట్’ చూడగానే, నేను పడ్డ శ్రమ అంతా మర్చిపోయాను. ఆ ఒక్క ఫ్రేమ్ కోసం నేను పడిన కష్టం మాటల్లో చెప్పలేను’ అని అన్నాడు. కేవలం ఒక్క ఫ్రేమ్ కోసం ఆరు నెలల సమయాన్ని వెచ్చించారంటే ఈ సినిమాపై రాజమౌళి విజన్ ఎలా ఉంటుందో అర్ధం చేసుకోవచ్చు. వారణాసి సినిమాతో బాక్సాఫీస్ రికార్డులు తిరగరాయడం ఖాయమని టాలీవుడ్ వర్గాలు భావిస్తున్నాయి.