Pongal 2027 : ఇది అసలైన పోటీ అంటే.. సంక్రాంతి బరిలో సూపర్ స్టార్ రజనీ

సంక్రాంతి పండుగ వచ్చిందంటే చాలు టాలీవుడ్‌లో బాక్సాఫీస్ వద్ద భారీ సినిమాల పోటీ నెలకొంటుంది. సంక్రాంతి బరిలో దిగేందుకు పలువురు స్టార్ హీరోలు ఇప్పటికే తమ చిత్రాలను సిద్ధం చేసుకుంటున్నారు.  ఇప్పటికే సంక్రాంతి రేసులో టాలీవుడ్ నుంచి పలు ఆసక్తికర ప్రాజెక్టులు బరిలో నిలిచాయి. వాటిలో విక్టరీ వెంకటేష్ , నందమూరి కళ్యాణ్ రామ్ కాంబోలో అనిల్ రావిపూడి తెరకెక్కిస్తున్న చిత్రం ‘జనవరి 12న విడుదల’ జెట్ స్పీడ్ లో రెడీ అవుతోంది. మరోవైపు మెగాస్టార్ చిరంజీవి నటిస్తున్న ‘ ‘కాకా’ కూడా జనవరి 13న రిలీజ్ కానుంది. అలాగే శర్వానంద్, దర్శకుడు  శ్రీనువైట్ల కాంబినేషన్‌లో వస్తున్న ‘జార్జ్ క్రిష్’ జనవరి 14న డేట్ ఫిక్స్ చేసుకుంది. ‘సంబరాల ఏటిగట్టు’ కూడా సంక్రాంతి బరిలోనే నిలిచేందుకు సిద్ధమైంది.

ఇప్పటికే తెలుగులో స్టార్ హీరోలు మరియు క్రేజీ కాంబినేషన్లు పోటీపడుతుండగా, ఇప్పుడు సూపర్ స్టార్ రజనీకాంత్ సంక్రాంతి బరిలోకి అడుగుపెడుతుండటంతో బాక్సాఫీస్ వద్ద పోటీ మరింత రసవత్తరంగా మారింది. డ్యూడ్ దర్శకుడు అశ్విత్ మరిముత్తు డైరెక్షన్ లో రజనీకాంత్‌ నటిస్తున్న భారీ బడ్జెట్ చిత్రం ధర్మన్. కమల్ హాసన్ నిర్మాతగా తెరకెక్కుతున్న ఈ సినిమాను సంక్రాంతికి రిలీజ్ చేసేందుకు ప్లాన్ చేస్తున్నారు మేకర్స్. టాలీవుడ్ యంగ్ హీరో రామ్ పోతినేని ఈ సినిమాలో కీలక పాత్రలో కనిపించబోతున్నాడు. రజనీ సినిమాలకు తెలుగులో ఎంత భారీ మార్కెట్ ఉందొ చెప్పక్కర్లేదు.రజనీ పోటీలో దిగితే తెలుగు సినిమాలకు కాస్త ఇబ్బందనే చెప్పాలి. ఓ వైపు వెంకీ – కళ్యాణ్ రామ్, మరోవైపు చిరు మధ్యలో సూపర్ స్టార్. ఈ సంక్రాంతికి థియేటర్ల వద్ద అసలైన పండుగ వాతావరణం కలగడం ఖాయంగా కనిపిస్తోంది.