Hatha Teaser: కిరణ్ అబ్బవరం బ్యానర్‌లో కొత్త సినిమా.. ఇంట్రెస్టింగ్‌గా ‘హతః’ టీజర్! చూశారా

Hatha Teaser: టాలీవుడ్‌లో వైవిధ్యమైన కథలను ఎంచుకుంటూ హీరోగా తనకంటూ ఓ ప్రత్యేక గుర్తింపు సంపాదించుకున్న యువ హీరో కిరణ్ అబ్బవరం, ఇప్పుడు నిర్మాతగానూ దూకుడు పెంచారు. కొత్త ప్రతిభను వెండితెరకు పరిచయం చేయడమే లక్ష్యంగా పెట్టుకున్న ఆయన, ఇటీవల ‘తిమ్మరాజుపల్లి టీవీ’తో ప్రొడక్షన్‌లోకి అడుగుపెట్టి అందరి దృష్టిని ఆకర్షించారు. ఆ జోరును కొనసాగిస్తూ, తన సొంత బ్యానర్‌లో నిర్మిస్తున్న రెండో చిత్రం ‘హతః’తో మరోసారి ప్రేక్షకుల ముందుకు రాబోతున్నారు. అనుష్ గోరాక్ దర్శకత్వంలో వినూత్న కాన్సెప్ట్‌తో తెరకెక్కుతున్న ‘హతః’ టీజర్‌ను మేకర్స్ తాజాగా రిలీజ్ చేశారు. ఇప్పటికే దాదాపు చిత్రీకరణ పూర్తి చేసుకున్న ఈ చిత్రం, టీజర్‌తోనే సినీ ప్రియుల్లో ఆసక్తిని రేకెత్తించింది. కథలోని మిస్టరీ, పాత్రల తీరు చాలా కొత్తగా కనిపిస్తున్నాయి.

ఈ చిత్రంలో కుష్లు మద్దాల, రెహ్మాన్‌, నమ్రిత ఎంవీ, తనూజ పుట్టస్వామి ప్రధాన పాత్రలు పోషించారు. కొత్త తారలతోనే బలమైన కంటెంట్‌ను నమ్ముకుని కిరణ్ అబ్బవరం ఈ ప్రాజెక్ట్‌ను ప్రేక్షకుల ముందుకు తీసుకురావడం విశేషం. కంటెంట్ ఓరియెంటెడ్ చిత్రాలకు సరైన వేదిక పండగ సీజన్లే అని భావించిన చిత్ర యూనిట్, ఈ సినిమా విడుదలకు ముహూర్తం ఖరారు చేసింది. అన్ని హంగులు పూర్తి చేసుకుని దీపావళి కానుకగా నవంబరు 6న ఈ చిత్రాన్ని గ్రాండ్‌గా థియేటర్లలో విడుదల చేయనున్నట్లు మేకర్స్ అధికారికంగా ప్రకటించారు. హీరోగా బాక్సాఫీస్ వద్ద రాణిస్తూనే, మంచి కథలను నమ్ముతూ కొత్త దర్శకులకు అండగా నిలుస్తున్న కిరణ్ అబ్బవరం నిర్మాణ ప్రయత్నం ఈ చిత్రంతో ఏ మేరకు విజయవంతం అవుతుందో చూడాలి.