ఇంగ్లీష్ తో పాటు మూడు భారతీయ భాషలు హిందీ, తెలుగు, తమిళంలో ఆగస్ట్ 14న అమెజాన్ ప్రైమ్ లో ‘గాడ్జిల్లా వర్సెస్ కాంగ్’ స్ట్రీమింగ్ కాబోతోంది. ప్రపంచ వ్యాప్తంగా మంచి సమీక్షలు అందుకున్న ఈ సినిమాను ఆడమ్ వింగార్డ్ తెరకెక్కించారు. మిల్లీ బాబి బ్రౌన్, అలెగ్జాండర్ స్కార్స్ గార్డ్, రెబెక్కా హాల్, బ్రియాన్ టైరీ హెన్రీ, జూలియన్ డెన్సిసన్ తదితరులు ఇందులో కీలక పాత్రలు పోషించారు. ‘కాంగ్: స్కల్ ఐలాండ్ (2017), గాడ్జిల్లా: కింగ్ ఆఫ్ ది మాన్ స్టర్స్ (2019) చిత్రాలకు ఇది సీక్వెల్. అలానే కింగ్ కాంగ్ ఫ్రాంచైజ్ లో ఇది 12వ చిత్రం. ఇక గాడ్జిలా ఫ్రాంచైజ్ లో అయితే 36వ చిత్రం.
Read Also : గన్ను లాంటి కన్నులున్న నోరా ఫతేహి… గన్ను పట్టేసింది!
ఈ తాజా చిత్రంలో రెండు మాన్ స్టర్ ఐకాన్స్ గాడ్జిల్లా, కాంగ్ ఢీకొట్టబోతున్నాయి. దీని గురించి దర్శకుడు ఆడమ్ వింగార్డ్ మాట్లాడుతూ, ”ఇది 1962 నుండి వెండితెరపై జరగని యుద్ధం. కాబట్టి ఆ రెండు భయంకర జీవులకు ఉన్న అభిమానులను దృష్టిలో పెట్టుకుని ఈ చిత్రాన్ని అత్యద్భుత సాంకేతిక వనరుల సాయంతో తెరకెక్కించాం” అని అన్నారు. ఈ మూవీ ఆగస్ట్ 14న అమెజాన్ ప్రైమ్ స్ట్రీమింగ్ కాబోతున్న దృష్ట్యా వివిధ భాషల్లో దాని ప్రచార చిత్రాన్ని విడదుల చేశారు. ఈ సినిమాను వార్నర్ బ్రదర్స్ పిక్చర్స్, లెజెండరీ ఎంటర్ టైన్మెంట్ సంయుక్తంగా నిర్మించాయి.