ChandraHass : ఆటిట్యూడ్ స్టార్ ‘రామ్ నగర్ బన్నీ’ ఫస్ట్ సింగిల్ రిలీజ్

ఒకప్పుడు ఈటీవీలో ప్రసారమయ్యే అనేక సీరియల్స్ కు దర్శకత్వం వహించి తన ఇంటి పేరును కాస్త ఈటీవీ ప్రభాకర్ గా మార్చుకున్నాడు ప్రభాకర్.  ఆ తర్వాత టాలీవుడ్ లో క్యారెక్టర్స్ ఆర్టిస్ట్ గా కూడా కొన్నేళ్లు రానించాడు. ఇటీవల సినెమాలకు గ్యాప్ ఇచ్చిన ప్రభాకర్ ఆయన తనయుడు చంద్రహాస్ హీరోగా పరిచయం చేసేపనిలో ఉన్నాడు.  ఆ మధ్య ఓ ప్రెస్ మీట్ పెట్టి కుమారుడు చంద్రహాస్ ను మీడియాకు పరిచయం చేసాడు ప్రభాకర్ . ఆ ప్రెస్ మీట్ లో చంద్రహాస్ హావభావాలు, మాట్లాడే విధానం, యాటిట్యూట్‌ సోషల్ మీడియాలో బాగా వైరల్‌ అయ్యాయి. దీంతో ఇంకా సినిమాల్లోకి అడుగు పెట్టకుండానే ఆటిట్యూడ్ స్టార్ అనే బిరుదు అందుకున్నాడు చంద్ర హాస్.

Also Read : Thalapathy69 : విజయ్ చివరి సినిమా ఫుల్ డీటైల్స్ ఇక్కడ చదవండి..

ఇక ఆటిట్యూడ్ స్టార్ చంద్రహాస్ హీరోగా, విస్మయ శ్రీ, రిచా జోషి, అంబికా వాణి, రితూ మంత్ర హీరోయిన్స్ గా తెరకెక్కుతున్న సినిమా ‘రామ్ నగర్ బన్నీ’. ఈ చిత్రానికి శ్రీనివాస్ మహత్ దర్శకత్వం వహిస్తున్నారు. దివిజ ప్రభాకర్ సమర్పణలో మలయజ ప్రభాకర్, ప్రభాకర్ పొడకండ సంయుక్తంగా ఈ చిత్రాన్ని నిర్మిస్తున్నారు. ఇప్పటికే ఈ సినిమా నుంచి విడుదలైన గ్లింప్స్ పాజిటివ్ టాక్ తెచ్చుకుంది. తాజాగా ఈ సినిమా నుంచి ఫస్ట్ సింగిల్ విడుదల అయ్యింది. అశ్విన్ హేమంత్ సంగీతాన్ని అందించిన ‘అరే అమ్మాయిలు.. అబ్బాయిలు వన్ ప్లస్ వన్ అయితే ..’ అంటూ సాగే ఈ సింగిల్ లో తన స్టెప్పులతో అలరించాడు చంద్రహాస్. ఇక ఈ పాట కూడా ఈ  ఆటిట్యూడ్ స్టార్ స్టార్ పాడటం విశేషం. కాగా, ఈ చిత్రానికి శేఖర్ మాస్టర్ కొరియోగ్రఫి అందిస్తున్నారు.