EPIC : ఓటీటీ స్ట్రీమింగ్ కు రెడీ అవుతున్న ‘ఎపిక్’.. ఎప్పుడు ఎక్కడ చూడాలంటే?

‘బేబి’ వంటి ట్రెండ్ సెట్టింగ్ బ్లాక్‌బస్టర్ హిట్ తర్వాత యంగ్ హీరో ఆనంద్ దేవరకొండ మరియు వైష్ణవి చైతన్య కాంబినేషన్‌లో వచ్చిన లవ్ అండ్ ఎమోషనల్ డ్రామా ‘ఎపిక్ – ఫస్ట్ సెమిస్టర్’. ‘90s’ వెబ్ సిరీస్‌‌తో ప్రేక్షకులను ఆకట్టుకున్న ఆదిత్య హాసన్ ఈ చిత్రానికి దర్శకత్వం వహించారు. యూత్, రొమాన్స్ మరియు ఎమోషన్స్ ప్రధానంగా రూపుదిద్దుకున్న ఈ చిత్రానికి సెన్సార్ బోర్డ్ ‘A’ సర్టిఫికేట్ జారీ చేసింది. ఇటీవలే థియేటర్లలోకి వచ్చిన ఈ సినిమా ప్లాప్ టాక్ తెచ్చుకుంది. ఇప్పుడు డిజిటల్ ప్రిమియర్ కోసం సిద్ధమైంది.

 ఈ చిత్రం అక్టోబర్ 9 నుంచి ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ లో స్ట్రీమింగ్ కానుంది. కేవలం తెలుగులోనే కాకుండా పాన్ ఇండియా స్థాయిలో తమిళం, కన్నడ, మలయాళం, మరియు హిందీ భాషల్లో కూడా అందుబాటులోకి తీసుకురానున్నారు. యువతను ఆకట్టుకునే కథాంశం కావడం, ఆనంద్-వైష్ణవి జోడీకి మంచి క్రేజ్ ఉండటంతో ఓటీటీ ప్రేక్షకులలో ఈ సినిమాకు ఎలాంటి రెస్పాన్స్ తెచుకుంటుందో చూడాలి. తెలంగాణ నేపథ్యంలో మొదలై యూకే బ్యాక్‌డ్రాప్‌లో సాగే డిఫరెంట్ లవ్ స్టోరీగా ఈ చిత్రాన్ని దర్శకుడు ఆదిత్య హాసన్ తెరకెక్కించారు. హెషమ్ అబ్దుల్ వహాబ్ అందించిన సంగీతం, లీడ్ పెయిర్ మధ్య కెమిస్ట్రీ ఈ సినిమాకు ప్రధాన ఆకర్షణగా నిలిచాయి. థియేటర్లలో మిస్ అయిన ప్రేక్షకులు, ఈ అక్టోబర్ 9 నుంచి నెట్‌ఫ్లిక్స్‌లో ‘ఎపిక్’ మూవీని వీక్షించవచ్చు.