“ఆర్‌సి 15” కోసం శంకర్ కు భారీ పారితోషికం

మెగా పవర్ స్టార్ రామ్ చరణ్, ప్రముఖ తమిళ దర్శకుడు శంకర్ కాంబినేషన్ లో ఓ భారీ ప్రాజెక్ట్ రూపొందనున్న విషయం తెలిసిందే. ఇప్పటికే అధికారికంగా ప్రకటించిన మేకర్స్ దీనిని పాన్ ఇండియా రేంజ్ లో నిర్మించడానికి సన్నాహాలు చేస్తున్నారు. అయితే కొన్నిరోజుల క్రితం శంకర్ పలు వివాదాలలో ఇరుక్కోవడంతో ఈ ప్రాజెక్ట్ పట్టాలెక్కుతుందా ? లేదా అనే సందేహాలు నెలకొన్నాయి. కానీ ఇటీవల రామ్ చరణ్ నిర్మాత దిల్ రాజు తో కలిసి శంకర్ ను కలవడం, ఆ తరువాత త్వరలోనే అప్డేట్ ను ఇస్తామని ప్రకటించడంతో ఆ సందేహాలన్నీ పటాపంచలైపోయాయి. త్వరలోనే ప్రారంభం కానున్న ఈ ప్రాజెక్ట్ కు శంకర్ పారితోషికం విషయంపై ఇప్పుడు టాలీవుడ్ లో చర్చ నడుస్తోంది.

Read Also : “షేమ్ లెస్ లేడీ” కియారాపై ట్రోలింగ్…!!

ఆయన ఈ చిత్రానికి దాదాపు 40 కోట్ల రెమ్యూనరేషన్ తీసుకుంటున్నారని తాజాగా ప్రచారం జరుగుతోంది. ఈ వార్తల్లో నిజమెంతో తెలీదు కానీ శంకర్ మాత్రం దేశవ్యాప్తంగా ఉన్న అద్భుతమైన అతి తక్కువ మంది దర్శకుల జాబితాలో ఒకరు. కాబట్టి ఆయన పారితోషికం అంత పుచ్చుకున్నా ఆశ్చర్యపోనక్కర్లేదు. ఇక నిర్మాత దిల్ రాజు కూడా ఈ మూవీ విజయవంతం అవుతుందని నమ్మడంతో ఆయనకు అడిగినంత చెల్లించడానికి సుముఖంగానే ఉన్నారట. ప్రస్తుతం రామ్ చరణ్ కూడా పాన్ ఇండియా స్టార్ కాబట్టి ఆయనకు కూడా భారీగానే పారితోషికం ముట్టజెప్పే అవకాశం ఉంది.