Devara Success Meet: ఎటూ తేల్చుకోలేకపోతున్న ‘దేవర’?

ప్రస్తుతం ‘దేవర’ బాక్సాఫీస్ దగ్గర దుమ్ములేపుతోంది. అయితే.. ఈ సినిమా విడుదలైన మొదటి రోజు మిక్స్డ్ టాక్ వినిపించింది.‌ కానీ అభిమానులతో పాటు ప్రేక్షకులు కూడా థియేటర్లకు భారీ ఎత్తున వచ్చారు. సెప్టెంబర్ 27 అర్ధరాత్రి ఒంటి గంటకే దేవర జాతర మొదలైంది. దీంతో మూడు రోజుల్లోనే 304 కోట్ల గ్రాస్ కలెక్షన్ వసూలు చేసింది దేవర పార్ట్ 1. సోమవారం నుంచి వసూళ్లు కొంత తగ్గినప్పటికీ.. కలెక్షన్ స్టడీగా ఉన్నాయని ట్రేడ్ వర్గాలు చెబుతున్నాయి. అక్టోబర్ 2న గాంధీ జయంతి కావడం, ఆ తర్వాత నుంచి దసరా సెలవులు ఉండటంతో, మరో వారం రోజులు థియేటర్లో దేవరదే హవా ఉండనుంది. మరోవైపు.. ఈ సినిమా సక్సెస్‌ను గట్టిగా సలెబ్రేట్ చేయడానికి రెడీ అవుతోంది చిత్ర యూనిట్. కానీ ఎప్పుడు? ఎక్కడ? అనేది తేలడం లేదు. వాస్తవానికైతే.. దేవర సినిమా తెలుగు ప్రమోషన్స్ చేయలేదు ఎన్టీఆర్.

Nayantara : 50సెకన్లకు రూ.5కోట్లు.. నయనతార బాగా కాస్ట్లీ గురు !

హైదరాబాద్‌ నోవాటెల్లో ప్రీ రిలీజ్ ఈవెంట్‌కు తారక్ అభిమానులు పోటెత్తడంతో ఈవెంట్ క్యాన్సిల్ చేయాల్సి వచ్చింది. దీంతో.. టైగర్ ఫ్యాన్స్ కాస్త నిరాశకు గురయ్యారు. కానీ దేవర సక్సెస్ మీట్‌తో అయినా ఎన్టీఆర్ తమ ముందుకు వస్తాడనే నమ్మకంతో ఉన్నారు. మేకర్స్ కూడా అభిమానుల సమక్షంలో సక్సెస్ ఈవెంట్‌ను భారీ ఎత్తున ప్లాన్ చేస్తున్నట్లు తెలుస్తోంది. అక్టోబర్ 2 లేదా 3వ తేదీన దేవర సక్సెస్ మీట్ ఉండే ఛాన్స్ ఉంది. ఈ ఈవెంట్‌ను హైదరాబాద్‌లో ప్లాన్ చేస్తున్నారని.. లేదు ఏపీలో ప్లాన్ చేస్తున్నారని భిన్న వార్తలు వస్తున్నాయి. ప్రస్తుతం దేవర యూనిట్ లొకేషన్‌ కోసం సెర్చింగ్‌లో ఉన్నారట. హైదరాబాద్‌లోనే ఒక భారీ బహిరంగ ప్రదేశంలో ఈ ఈవెంట్‌ను నిర్వహించాలని అనుకుంటున్నారట. కానీ గుంటూరు లేదా విజయవాడలో భారీ ఎత్తున ‘దేవర’ సక్సెస్ మీట్ జరగనుందనేది లేటెస్ట్ అప్డేట్. అయితే.. మేకర్స్ నుంచి ఈ విషయంలో క్లారిటీ రావాల్సి ఉంది.