Dear Uma: ఇండిపెండెన్స్ డే స్పెషల్ స్టిల్‌తో ‘డియర్ ఉమ’

తెలుగమ్మాయి హీరోయిన్‌గా, నిర్మాతగా ఒకే సారి ఒక సినిమాకు పని చేయడం అంటే మామూలు విషయం కాదు, చాలా తక్కువ మంది మాత్రమే ఇలాంటి సాహసం చేస్తారు. అనంతపురం నుంచి వచ్చిన అచ్చమైన, స్వచ్చమైన తెలుగమ్మాయి సుమయా రెడ్డి ప్రస్తుతం ఇండస్ట్రీలో తన సత్తాను నిరూపించుకునేందుకు రెడీగా అవుతోంది. తానే నిర్మాతగా, హీరోయిన్‌గా, కథా రచయితగా ‘డియర్ ఉమ’ చిత్రంతో సుమయా రెడ్డి టాలీవుడ్‌కు పరిచయం కానుంది. ఈ చిత్రానికి సాయి రాజేష్ మహదేవ్ దర్శకత్వం వహించగా ఇప్పటికే ఈ చిత్రం నుంచి విడుదల చేసిన పోస్టర్, టీజర్, పాటలు అందరినీ ఆకట్టుకున్నాయి. నిజానికి ఈ మూవీ నుంచి వచ్చిన ప్రతీ అప్డేట్ ఆడియెన్స్‌లో అంచనాలు పెంచేసేలా ఉన్నాయి.

Mahesh Babu: శ్రీవారి సేవలో సూపర్ స్టార్ కుటుంబ సభ్యులు..

మంచి ఫీల్ గుడ్ లవ్ స్టోరీని చూపించబోతున్నామని చెబుతోంది సినిమా యూనిట్. ఈ మూవీతో ఒకపక్క హీరోయిన్ గా మాత్రమే కాదు కథా రచయితగా సుమయా రెడ్డి తన అభిరుచిని చాటుకుంటారని యూనిట్ గట్టిగా చెబుతోంది. ఉన్నారు. తాజాగా సుమయా రెడ్డి ఇండిపెండెన్స్ డే సందర్భంగా ఒక స్పెషల్ పోస్టర్‌ను రిలీజ్ చేశారు. ఈ పోస్టర్ ఆకట్టుకునేలా ఉంది. ప్రస్తుతం ఈ సినిమా టీం పోస్ట్ ప్రొడక్షన్ పనుల్లో బిజీగా ఉండగా త్వరలోనే ఈ సినిమాను ఆడియెన్స్ ముందుకు తీసుకొస్తున్నామని ప్రకటించారు మేకర్స్. నిర్మాతగా సుమయా రెడ్డికి ఇది మొదటి చిత్రమే అయినా ఎక్కడా కాంప్రమైజ్ కాకుండా ఎంతో రిచ్‌గా నిర్మించారని ఇన్ సైడ్ టాక్. ఈ సినిమాలో పృథ్వీ అంబర్ హీరోగా నటించగా ఫేమస్ మ్యూజిక్ డైరెక్టర్ రధన్ సంగీతమందించారు.