Darshan Judicial Custody Extended upto 18th July: రేణుకా స్వామి హత్య కేసులో నిందితులుగా పరప్పన అగ్రహార జైలులో ఉన్న నటుడు దర్శన్, నటి పవిత్ర గౌడ సహా 17 మందిపై ఈరోజు విచారణ జరిగింది. వీడియో కాన్ఫరెన్స్ ద్వారా కోర్టులో వారిని హాజరు పరిచారు. ఇక ఈ విచారణలో జ్యుడీషియల్ కస్టడీని జూలై 18 (18-07-2024) వరకు పొడిగించారు. పరప్పన అగ్రహార సహా తుమకూరు జైలు నుండి వీడియో కాన్ఫరెన్స్ ద్వారా విచారణ జరిగింది. ఈ వీడియో కాన్ఫరెన్స్ ద్వారా హాజరయ్యేందుకు మొత్తం 17 మంది నిందితుల జ్యుడీషియల్ కస్టడీని పొడిగించాలని SPP రిమాండ్ దరఖాస్తును సమర్పించారు. నిందితుల తరఫు న్యాయవాది రిమాండ్కు దరఖాస్తు చేయాలని కోరారు. రిమాండ్ దరఖాస్తుపై నిందితుల తరఫు న్యాయవాదుల సంతకాలు చేయించుకోవాలని న్యాయమూర్తి సూచించారు.
Film Chamber: సినీ పరిశ్రమకు రేవంత్ రెడ్డి కండిషన్స్.. ఫిలిం ఛాంబర్ కీలక ప్రకటన!
ప్రస్తుతం, నటుడు దర్శన్ మరియు ఇతర 16 మంది నిందితులు అసభ్యకరమైన సందేశాలు పంపినట్లు ఆరోపణలు ఎదుర్కొంటున్న రేణుకాస్వామి హత్య కేసులో నిందితులుగా జ్యుడీషియల్ కస్టడీలో ఉన్నారు. దీనిపై కన్నడ సినీ పరిశ్రమకు చెందిన పలువురు ప్రముఖులు ఆవేదన వ్యక్తం చేశారు. నటుడు దర్శన్ కేసు ప్రస్తుతం విచారణలో ఉంది. అయితే ఇప్పటికే చాలా మంది దర్శన్ కు అనుకూలంగా మాట్లాడుతుండగా.. పలువురు దర్శన్ కు వ్యతిరేకంగా మాట్లాడుతున్నారు. అయితే కోర్టు ఎలాంటి నిర్ణయం తీసుకుంటుందో తెలియాల్సి ఉంది. విచారణ అనంతరం నటుడు దర్శన్ని దోషిగా తేలుతాడా లేక నిర్దోషి అని తేలాల్సి ఉంది. ఇప్పుడు అందుతున్న సమాచారం ప్రకారం.. ఈ నెల 18 వరకు మళ్లీ జ్యుడీషియల్ కస్టడీని పొడిగించారు.
