Bigg Boss: హిందూ కంటెస్టంట్ తో ముస్లిం యువతి ప్రేమ.. బిగ్ బాస్ నుండి బయటకి రావాలని స్టేజెక్కిన పేరెంట్స్
- Follow Us :
-
-
Add as a preferred
source on google
బిగ్ బాస్.. వివాదాలకు, నాటకీయ పరిణామాలకు, ఊహించని ట్విస్టులకు కేరాఫ్ అడ్రస్! కానీ, ప్రస్తుతం ప్రసారం అవుతున్న ‘బిగ్ బాస్ మలయాళం సీజన్ 8’ లో జరుగుతున్న రచ్చ మాత్రం మునుపెన్నడూ చూడనిది. నాలుగు గోడల మధ్య మొదలైన ఒక ప్రేమకథ ఇప్పుడు బయట మతం రంగు పులుముకుంది. హిందూ కంటెస్టెంట్ను ప్రేమించిన పాపానికి ముస్లిం యువతిని ఆమె తల్లిదండ్రులు షో మధ్యలోనే స్టేజ్ మీదకు వచ్చి కన్నీళ్లతో ఎమోషనల్ బ్లాక్మెయిల్ చేయడం ఇప్పుడు సోషల్ మీడియాలో పెను దుమారం రేపుతోంది. ప్రముఖ ముస్లిం సోషల్ మీడియా ఇన్ఫ్లుయెన్సర్ నేహా ఫాతిమా ఈ సీజన్లో స్ట్రాంగ్ కంటెస్టెంట్గా అడుగుపెట్టింది. అయితే, హౌస్లో తోటి కంటెస్టెంట్ అయిన తాషి రాజ్ (సంతోష్)తో ఆమెకు ఏర్పడిన సాన్నిహిత్యం క్రమంగా ప్రేమగా మారింది. తాషి అంటే తనకు ఎంతో ఇష్టమని, షో నుంచి బయటకు వెళ్లాక కుటుంబ సభ్యులను ఒప్పించి మరీ ఈ బంధాన్ని ముందుకు తీసుకెళ్తానని నేహా హౌస్లో కుండ బద్దలు కొట్టింది. (అంతకుముందు వేదాంకి అనే మరో కంటెస్టెంట్తో తాషి చనువుగా ఉండటంపై నేహా అలిగినా.. తాషి మాత్రం తన మనసు నేహాదే అని స్పష్టం చేశాడు).
స్టేజ్ మీదకు దూసుకొచ్చిన పేరెంట్స్.. ఎమోషనల్ బ్లాక్మెయిల్!
నేహా ప్రేమ వ్యవహారం బయట ఆమె కుటుంబంలో అగ్గి రాజేసింది. కూతురు వేరే మతానికి చెందిన అబ్బాయితో ప్రేమలో పడటాన్ని ఏమాత్రం జీర్ణించుకోలేని ఆమె తల్లిదండ్రులు నేరుగా బిగ్ బాస్ వేదిక పైకే వచ్చేశారు. హోస్ట్ మోహన్లాల్ వారిని ఆహ్వానించగా.. తల్లిదండ్రులను చూసి మురిసిపోయిన నేహాకు సెకన్లలోనే ఫ్యూజులు ఎగిరిపోయాయి. “నేహా.. అసలు మేమంటే నీకు గుర్తున్నామా? ఇతరులు తమ స్వార్థం కోసం నిన్ను వాడుకుంటున్నారు. నువ్వు మాత్రం ఎమోషన్స్లో కొట్టుకుపోతున్నావు. ఏ ఆటైతే ఆడొద్దని మేము నీకు చెప్పి పంపామో.. సరిగ్గా నువ్వు అదే ఆట ఆడుతున్నావు. దీనివల్ల మేము నూటికి నూరు శాతం కుమిలిపోతున్నాం” అంటూ ఆమె తల్లిదండ్రులు ఏడుస్తూ నేహాపై తీవ్ర స్థాయిలో మండిపడ్డారు. షో నుంచి వెంటనే బయటకు వచ్చేయాలని ఖరాఖండీగా తేల్చి చెప్పారు.
Also Read
- Vijay Antony : లక్షల విలువైన స్మార్ట్ వాచ్లు విసిరేసి చనిపోయిన కూతురి వాచ్తో విజయ్ ఆంటోనీ
- Ramayana : బాక్సాఫీస్పై 'రామాయణ' దండయాత్ర.. 12 రోజుల్లో కేజీఎఫ్ 2, ఆర్ఆర్ఆర్ రికార్డులు గల్లంతు!
- Ramya Krishnan: క్యాస్టింగ్ కౌచ్ నిన్న జరిగింది, నేడు జరుగుతోంది, రేపూ జరుగబోతుంది..!
- Sai Pallavi: సినిమాల్లోకి రాకముందే సాయి పల్లవి నంబర్ను 'హీరోయిన్' అని సేవ్ చేసుకున్న స్టార్ డైరెక్టర్!
టీఆర్పీ కోసం ఛానల్ నీచపు ఎత్తుగడ?
ఈ ఎపిసోడ్ బయటకు వచ్చిన తర్వాత కేరళ వ్యాప్తంగా సెక్యులరిజం, మతాంతర ప్రేమలపై పెద్ద చర్చే మొదలైంది. అయితే, ఇక్కడ మరో ప్రధానమైన విమర్శ బిగ్ బాస్ యాజమాన్యంపై వస్తోంది. సాధారణంగా ఏ సీజన్లో అయినా ఆట చివరి దశలో ‘ఫ్యామిలీ వీక్’ పేరుతో కుటుంబ సభ్యులను లోపలికి పంపిస్తారు. కానీ, నిబంధనలను గాలికి వదిలేసి.. కేవలం రేటింగ్స్ (TRP) కోసం ఛానల్ వాళ్లే నేహా తల్లిదండ్రులను ఇంత ముందే వేదిక పైకి తీసుకువచ్చారని నెటిజన్లు మండిపడుతున్నారు. కంటెస్టెంట్ల మానసిక స్థైర్యాన్ని దెబ్బతీస్తూ, వారి వ్యక్తిగత, సున్నితమైన కుటుంబ సమస్యలను టీఆర్పీల కోసం వాడుకోవడం ఎంతవరకు నైతికం అని తీవ్ర స్థాయిలో విమర్శలు గుప్పిస్తున్నారు. అటు కెరీర్, ఇటు కన్నవారు.. ఈ రెండింటి మధ్య నేహా ఇప్పుడు తీవ్ర సందిగ్ధంలో పడిపోయింది. తల్లిదండ్రుల ఒత్తిడికి తలొగ్గి ఆమె షో నుంచి బయటకు వచ్చేస్తే.. అగ్రిమెంట్ ప్రకారం ఛానల్కు కోట్ల జరిమానా చెల్లించుకోవాల్సి వస్తుంది. అలాగని ఆటలో కొనసాగితే కుటుంబానికి శాశ్వతంగా దూరమయ్యే ప్రమాదం ఉంది. మరి టీఆర్పీ దాహంతో బిగ్ బాస్ వేసిన ఈ పద్మవ్యూహం నుంచి నేహా ఎలా బయటపడుతుంది? కోట్ల రూపాయల పెనాల్టీని భరించి ప్రేమను, ఆటను వదిలేస్తుందా? లేక తల్లిదండ్రులను ఎదిరించి నిలబడుతుందా? అనేది రాబోయే ఎపిసోడ్లలో తేలనుంది!
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Indian Railways: సొంతూళ్లకు వెళ్లేవారికి రైల్వే గుడ్న్యూస్.. క్రిస్మస్, సంక్రాంతికి 6 ప్రత్యేక రైళ్ల పొడిగింపు!
-
Telangana Real Estate: రియల్ ఎస్టేట్ సంస్థలకు తెలంగాణ రెరా షాక్.. భారీ జరిమానాలు..
-
IPL 2027 Retention List: వేలానికి సిద్ధమైన స్టార్లు.. కోట్లు పలికిన ఆటగాళ్లను వదులుకున్న ఫ్రాంచైజీలు.. లిస్ట్ ఇదే..
-
Viral Video: క్వాడ్ సమావేశంలో జాతీయ జెండాకు గౌరవం.. మోడీ చేసిన పని వైరల్..
-
Jimmy Tata: టాటా గ్రూప్లో అసలైన ట్విస్ట్.. రతన్ టాటా తమ్ముడి ఎంట్రీతో మారిన లెక్కలు!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!