Bhairavam : అయితే అటు.. లేదా ఇటు.. రావడం మాత్రం పక్కా..

తమిళంలో సూరి, శశికుమార్, మలయాళం నటుడు ఉన్ని ముకుందన్ కలిసి నటించిన సూపర్ హిట్ చిత్రం ‘గరుడన్’. ఈ చిత్రాన్ని తెలుగులో బెల్లంకొండ శ్రీనివాస్‌తో విజయ్ కనకమేడల రీమేక్ చేస్తున్న సంగతి తెలిసిందే. ఈ రిమేక్ లో టాలీవుడ్ యంగ్ హీరోలైన నారా రోహిత్, మంచు మనోజ్ కీలక పాత్రలు పోషిస్తున్నారు. సత్యసాయి ఆర్ట్స్ బ్యానర్ పై కె.కె రాధామోహన్ ఈ సినిమాను భారీ బడ్జెట్ పై నిర్మిస్తున్నారు. ఈ చిత్రానికి ‘భైరవం’ అనే టైటిల్ ను ఫిక్స్ చేసి అఫీషియల్ గా పోస్టర్ రిలీజ్ చేశారు మేకర్స్.

Also Read : Varuntej : ‘మట్కా’పైనే వరుణ్‌తేజ్‌ ఆశలన్నీ.. హిట్టు దక్కేనా..?

ప్రస్తుతం ఈ సినిమా షూటింగ్  శరవేగంగా  జరుగుతోంది. అల్లరి నరేష్ తో నాంది, ఉగ్రం చిత్రాలు తెరకెక్కించిన విజయ్ కనకమేడల దర్శకత్వంలో ఈ భారీ మల్టీస్టారర్ రూపుదిద్దుకుంటుంది.  జెట్ స్పీడ్ లో షూటింగ్ జరుగుతున్న ఈ సినిమాను 2025 కానుకగా సంక్రాంతి రిలీజ్ అనుకుంటున్నారట. కానీ సంక్రాంతికి ఇప్పడికే రామ్ చరణ్ గేమ్ ఛేంజర్, బాలయ్య బాబీ సినిమా, సందీప్ కిషన్ సినిమాలు కర్చీఫ్ వేసుకుని రెడీ గా ఉన్నాయి. ఈ మూడు కాకుండా వెంకీ అనిల్ రావిపూడి సంక్రాంతికి వస్తున్నాం కూడా పొంగల్ రిలీజ్ రెడీ గా ఉంది. ఇన్ని భారీ సినిమాల మధ్య భైరవం సినిమాకు ఒకవేళ సంక్రాంతికి డేట్ దొరకలేదంటే ఈ ఏడాది డిసెంబర్ 25న రిలీజ్ చేసే ఆలోచనలో ఉన్నారట. కానీ అక్కడ కూడా నితిన్ నటించిన రాబిన్ హుడ్ డిసెంబరు 20న డేట్ వేసి ఉంది. మరి ఛత్రపతి వంటి భారీ డిజాస్టర్ తర్వాత వస్తున్నఈ సినిమా బెల్లంకొండ కు హిట్ ఇసుందో లేదో చూడాలి.