రివేంజ్ లవ్ డ్రామా “అర్ధశతాబ్దం” ట్రైలర్

కార్తీక్ రత్నం, కృష్ణ ప్రియ, నవీన్ చంద్ర, సాయి కుమార్ ప్రధాన పాత్రల్లో నటిస్తున్న తాజా చిత్రం ‘అర్ధశతాబ్దం’. రిషిత శ్రీ క్రియేషన్స్, 24 ఫ్రేమ్స్ సెల్యులాయిడ్ బ్యానర్లపై వీర్ ధర్మిక్ సమర్పణలో రూపొందుతోంది ఈ చిత్రం. చిట్టి కిరణ్, రామోజు, తేలు రాధాకృష్ణ సంయుక్తంగా ఈ చిత్రాన్ని నిర్మిస్తున్నారు. ఇప్పుడు సమాజంలో జరుగుతున్న ఒక మెయిన్ ఇష్యూను తీసుకుని, దానికి కమర్షియల్ ఎలిమెంట్స్ జోడించి నేటి ట్రెండ్ కు తగ్గట్లుగా ‘అర్ధశతాబ్దం’ను తెరకెక్కిస్తున్నారు. రవీంద్ర పుల్లే దర్శకత్వం వహిస్తున్న ఈ సినిమాకు స్టార్స్ నుంచి మంచి సపోర్ట్ లభిస్తోంది. ఈ చిత్రం టీజర్ ను సుకుమార్, ఫస్ట్ గ్లింప్స్ ను రానా దగ్గుబాటి, ‘ఏ కన్నులూ చూడనీ’ సాంగ్ ను రకుల్ ప్రీత్ సింగ్ విడుదల చేశారు. నౌపాల్ రాజా సంగీతం అందించిన ఈ సాంగ్ ను సిద్ శ్రీరామ్ ఆలపించారు. ‘ఆహా’లో జూన్ 11న ఈ చిత్రం ప్రసారం కానుంది. ఈ సాంగ్ కు అద్భుతమైన స్పందన వస్తోంది. తాజాగా ‘అర్ధశతాబ్దం’ ట్రైలర్ ను నాని విడుదల చేశారు. ఈ ట్రైలర్ చూస్తుంటే లవ్ అండ్ రివెంజ్ డ్రామాలా కన్పిస్తోంది. మీరు కూడా ‘అర్ధశతాబ్దం’ ట్రైలర్ పై ఓ లుక్కేయండి.