AR Rahman : నా వర్కింగ్ స్టైల్ గురించి మాట్లాడే హక్కు ఎవ్వరికీ లేదు..

సంగీత దర్శకుడు ఆస్కార్ విజేత ఎ.ఆర్. రెహమాన్‌కు ప్రపంచవ్యాప్తంగా ఎంతటి అభియానులు ఉన్నారో తెలిసిందే.. ఆయన తమిళంలో కాదు, అనేక భాషల్లో పనిచేశారు. హిందీలో కూడా ఆయనకు చాలా డిమాండ్ ఉంది. అలాంటిది ఇటీవల ప్రముఖ గాయకుడు అభిజీత్, సంగీత రంగంలో వస్తున్న మార్పుల పై స్పందిస్తూ.. ఏఆర్ రెహమాన్ పై వైరల్ కామెంట్స్ చేశాడు.. ‘రెహమాన్ ఎక్కువగా సింగర్‌లకు బదులు.. టెక్నాలజీని ఉపయోగించి ఆయన మ్యూజిక్ కంపోజ్ చేస్తున్నారన్నారు. దీనివల్ల ఎంతో మందికి ఉపాధి లేకుండా పోతుంది’ అని తెలిపారు. అయితే తాజాగా అభిజీత్ మాటలపై రెహమాన్ రియాక్ట్ అయ్యారు..

Also Read: Rashmika : బంధం బలంగా ఉండాలంటే ఒకే ఒక రూల్ చాలు..

‘అభిజీత్ నాపై ఎలాంటి విమర్శలు చేసినా, నేను ఆయన్ని గౌరవిస్తూనే ఉంటాను. ఆయన అంటే నాకెంతో అభిమానం, ప్రేమ.. నాపై ఆయనకు ఉన్న అభిప్రాయాన్ని నేను ఏమాత్రం తప్పుపట్టను. ఎందుకంటే ప్రతి విషయంలో ఒక్కొక్కరికి ఒక్కో అభిప్రాయం ఉంటుంది. అన్ని విషయాలకు నన్ను తప్పుపట్టడం బాగానే ఉంది. కానీ దుబాయ్ వేదికగా ఇటీవల ఒక మహిళా ఆర్కెస్ట్రా బృందాన్ని సిద్ధం చేశా. అందులో సుమారు 60 మంది మహిళలు ఉన్నారు. వారికి ఉద్యోగాలు ఇచ్చి ప్రతి నెలా జీతం ఇస్తూ, వాళ్ల కోసం ఆరోగ్య, జీవిత బీమా కడుతున్నా అంతేకాకుండా ‘పొన్నియిన్ సెల్వన్’, ‘ఛావా’ వంటి సినిమాల కోసం వర్క్ చేసినప్పుడు, సుమారు 200 మంది సంగీతకారులను అందులో భాగం చేశా. కొన్నిసార్లు కేవలం పాటల కోసమే 100 మందికి పైగా వర్క్ చేస్తుంటారు. ఆ విషయాలను నేను ఎక్కడ బయట పెట్టను. అలాగే దానికి సంబందించిన ఫోటోలను పంచుకోను. అందుకే ఎవరికీ నా వర్కింగ్ స్టైల్ గురించి పెద్దగా అవగాహన ఉండదు’ అని ఆయన వివరణ ఇచ్చారు.