Kalki 2898 AD : ప్రభాస్ ఫ్యాన్ గా మారిన అకిరా నందన్.. ఫస్ట్ డే ఫస్ట్ షో చూసిమరీ!

Akira Nandan watching Kalki 2898 AD at Prasads Multiplex: ప్రస్తుతం ఎక్కడ చూసినా కల్కి మేనియా కనిపిస్తోంది. రెండు తెలుగు రాష్ట్రాలతో పాటు ఈ సినిమా ప్రపంచవ్యాప్తంగా గురువారం రిలీజ్ అయింది. అమెరికా సహా కొన్ని దేశాలలో ముందే ప్రీమియర్స్ పడ్డాయి. సినిమాకి పాజిటివ్ టాక్ రావడంతో రెండు తెలుగు రాష్ట్రాలలో మొదటి రోజు టికెట్ దక్కించుకోవడం కష్టంగా మారింది. అయితే ఒక ఆసక్తికరమైన దృశ్యం సోషల్ మీడియాలో వైరల్ అవుతుంది. అదేమిటంటే పవర్ స్టార్ పవన్ కళ్యాణ్ కుమారుడు అకీరా నందన్ ప్రభాస్ అభిమానులు ధరించే కల్కి టీ షర్ట్ ధరించి ఫస్ట్ డే ఫస్ట్ షో చూసేందుకు ప్రసాద్ మల్టీప్లెక్స్ కి వచ్చాడు. ఫ్యాన్స్ తాకిడి తట్టుకోలేక ప్రధాన ద్వారం నుంచి కాకుండా పార్కింగ్ ఏరియా నుంచి పైకి వెళుతున్న వీడియో ఒకటి సోషల్ మీడియాలో వైరల్ అవుతుంది.

Kalki 2898 AD: కల్కి సినిమాలో మొత్తం ఎంతమంది డైరెక్టర్లు కనిపించారో తెలుసా?

దానికి ప్రభాస్ అభిమానులు అఖీరా కూడా మనోడే రెబల్స్ కల్కి టీ షర్ట్ కూడా ధరించాడు చూశారా అంటూ ఆ వీడియోని వైరల్ చేస్తున్నారు. నాగ్ అశ్విన్ దర్శకత్వంలో తెరకెక్కిన ఈ సినిమాలో అమితాబ్, కమల్ హాసన్, దీపికా పదుకొనే వంటి వాళ్ళు కీలక పాత్రలలో నటించారు. వీరు కాకుండా కొంతమంది హీరోలు, కొంతమంది హీరోయిన్లు, కొంతమంది దర్శకులు అతిథి పాత్రలలో మెరిశారు. ఇక ఈ సినిమాని భారీ బడ్జెట్ తో అశ్వినీ దత్ ప్రతిష్టాత్మకంగా నిర్మించారు. ఈ నేపథ్యంలోనే టికెట్ రేట్లు పెంచి అమ్ముకోవడానికి అనుమతులు కోరగా రెండు తెలుగు రాష్ట్ర ప్రభుత్వాలు అందుకు అనుమతులు కూడా జారీ చేశాయి. అయితే రేట్లు పెంచినా సరే టికెట్లు దొరకకపోవడం గమనార్హం.

Akira kuda manode Rebels 🔥🔥

Kalki Tshirt 💥#Blockbusterkalki #Kalki2898AD #Prabhas pic.twitter.com/ttxTXOo8hR

— Roaring REBELS (@RoaringRebels_) June 27, 2024