Akhil : అఖిల్ ‘లెనిన్’ మళ్లీ వాయిదా.. జూన్ బరిలోకి అక్కినేని వారసుడు దిగడం డౌటే

అక్కినేని యువ హీరో అఖిల్ అక్కినేని వెండితెరపై కనిపించి దాదాపు మూడేళ్లు కావస్తోంది. ‘ఏజెంట్’ తర్వాత ఆయన నుంచి మరో సినిమా రాకపోవడంతో అభిమానులు ఆయన సిల్వర్ స్క్రీన్ ప్రెజెన్స్‌ను బాగా మిస్ అవుతున్నారు. ఈ క్రమంలో అఖిల్ నటిస్తున్న తాజా చిత్రం ‘లెనిన్’ పై భారీ అంచనాలు నెలకొన్నాయి. అయితే తాజాగా ఈ సినిమా విడుదల మరోసారి వాయిదా పడటం హాట్ టాపిక్ గా మారింది.

ముందుగా ప్రకటించిన షెడ్యూల్ ప్రకారం ‘లెనిన్’ మే 1న ప్రేక్షకుల ముందుకు రావాల్సి ఉంది. కానీ అదే సమయంలో మెగా పవర్ స్టార్ రామ్ చరణ్ సినిమా ‘పెద్ది’ పోటీలో ఉండటంతో చిత్ర యూనిట్ వెనక్కి తగ్గింది. బాక్సాఫీస్ వద్ద అనవసరమైన క్లాష్ వద్దు అనుకున్న మేకర్స్ ‘లెనిన్’ విడుదలను మే 1 నుండి జూన్ 26కి వాయిదా వేస్తున్నట్లు అధికారికంగా ప్రకటించారు. ఆసక్తికరమైన విషయం ఏంటంటే వాస్తవానికి ఏప్రిల్ 30న రావాల్సిన ‘పెద్ది’ సినిమా ఆ తేదీ నుండి తప్పుకుంది. దర్శకుడు బుచ్చిబాబు సానా ఈ చిత్రాన్ని జూన్ 25న ప్రపంచవ్యాప్తంగా విడుదల చేస్తున్నట్లు అనౌన్స్ చేశారు. ‘పెద్ది’ జూన్ 25న వస్తుంటే‘లెనిన్’ మరుసటి రోజే అంటే జూన్ 26న విడుదల కాబోతోంది. అంటే మే నెలలో తప్పుకున్న ఈ పోటీ మళ్ళీ జూన్ నెలాఖరున బాక్సాఫీస్ వద్ద యుద్ధానికి సిద్ధమైంది. కానీ వినిపిస్తున్నటాక్ ప్రకారం జూన్ 26న కూడా లెనిన్ రిలీజ్ వాయిదా వేసే అవకాశం ఎక్కువ ఉందట. మూడేళ్ల నిరీక్షణ తర్వాత అఖిల్ ఈ సినిమాతో గట్టి కమ్‌బ్యాక్ ఇస్తాడని ఫ్యాన్స్ ఎదురుచూస్తుంటే ఇలా వాయిదాల మీదా వాయిదాలు వేయడంతో అక్కినేని అభిమానులు డీలా పడుతున్నారు.