యంగ్ అండ్ ప్రామిసింగ్ హీరో రాజ్ తరుణ్ హీరోగా డ్రీమ్ టౌన్ ప్రొడక్షన్స్, హైఫైవ్ పిక్చర్స్ పతాకాలపై నంద్కుమార్ అబ్బినేని, భరత్ మగులూరి సంయుక్తంగా నిర్మిస్తున్న సినిమా ‘స్టాండప్ రాహుల్’. సాంటో మోహన్ వీరంకిని దర్శకుడిగా పరిచయం చేస్తూ నిర్మిస్తున్న ఈ ఫీల్ గుడ్ రొమాన్స్ కామెడీ చిత్రానికి ‘కూర్చుంది చాలు’ అనేది ట్యాగ్ లైన్.
జీవితంలో దేనికోసం కచ్చితంగా నిలబడని ఒక వ్యక్తి నిజమైన ప్రేమను కనుగొని, తన తల్లి దండ్రుల కోసం, అతని ప్రేమ కోసం, స్టాండ్-అప్ కామెడీ పట్ల ఉన్న తన అభిరుచిని చాటుకునే స్టాండ్-అప్ కామిక్ కథతో ఇది తెరకెక్కుతోంది.
Read Also : ఫిలింఛాంబర్ లో ఆనందయ్య మందు పంపిణీ
ఈ సినిమాలో రాజ్ తరుణ్ సరసన వర్షా బొల్లమ్మ హీరోయిన్గా నటిస్తోంది. ఆమె ఫస్ట్లుక్ను బుధవారం విడుదల చేసింది చిత్రయూనిట్. ఈ చిత్రంలో రాజ్తరుణ్ పోషిస్తున్న పాత్ర మాదిరిగానే వర్ష కూడా శ్రేయా రావు అనే స్టాండప్ కమెడియన్ రోల్ చేస్తోంది. డిఫరెంట్ ఇమేజెస్తో ఉన్న వర్ష బొల్లమ్మ ఫస్ట్ లుక్ పోస్టర్ ఆకట్టుకుంటుంది. ఈ సినిమాకు స్వీకర్ అగస్తి సంగీతం, శ్రీరాజ్ రవీంద్రన్ సినిమాటోగ్రఫి నిర్వహిస్తున్నారు. ఇతర ప్రధాన పాత్రలను ‘వెన్నెల’ కిషోర్, మురళీ శర్మ, ఇంద్రజ, దేవీ ప్రసాద్, మధురిమ తదితరులు పోషిస్తున్నారు.
