Kaduva: మలయాళం తప్ప మిగిలిన భాషల్లో ఓ రోజు వెనక్కి!

 

పృథ్వీరాజ్ సుకుమారన్ హీరోగా షాజీ కైలాస్ తెరకెక్కించిన సినిమా ‘కడువా’. ఈ సినిమాను మలయాళం, తెలుగు, తమిళ, కన్నడ, హిందీ భాషల్లో ఈ నెల 7న విడుదల చేయాలని చిత్ర బృందం నిర్ణయించుకుంది. కానీ ఇప్పుడు కేవలం మలయాళ వర్షన్ ను మాత్రమే 7వ తేదీ విడుదల చేస్తున్నారు. మిగిలిన నాలుగు భాషల్లోనూ ఈ సినిమా 8వ తేదీ రిలీజ్ కాబోతోంది.

ఈ విషయాన్ని నిర్మాతలు లిస్టిన్ స్టీఫెన్, సుప్రియా మీనన్ తెలిపారు. నిజానికి ‘కడువా’ జూన్ 30వ తేదీనే వరల్డ్ వైడ్ రిలీజ్ కావాల్సింది. కానీ అనివార్య కారణాల వల్ల ఈ నెల 7కి రిలీజ్ వాయిదా వేశారు. పృథ్వీరాజ్ నటించిన ఓ సినిమా పాన్ ఇండియా స్థాయిలో విడుదల కావడం ఇదే మొదటిసారి. దాంతో వీరికి ఊహించని ఇబ్బందులు ఎదురవుతున్నట్టుగా ఉన్నాయి. ఈ భారీ యాక్షన్ థ్రిల్ డ్రామాలో బాలీవుడ్ స్టార్ వివేక్ ఒబెరాయ్‌ ఓ ప్రధాన పాత్ర పోషిస్తుండగా, ‘భీమ్లా నాయక్’ ఫేమ్ సంయుక్త మీనన్ కథానాయికగా నటించింది.