Chandramukhi 2: సూపర్ స్టార్ రజినీకాంత్, నయనతార జంటగా పి.వాసు దర్శకత్వంలో తెరకెక్కిన చిత్రం చంద్రముఖి. 2005 లో రిలీజ్ అయిన ఈ సినిమా భారీ విజయాన్ని అందుకుంది. అన్ని భాషల్లో రిలీజ్ అయ్యి హిట్ అందుకున్న సినిమాగా గుర్తింపు తెచ్చుకుంది. ఈ సినిమాలో చంద్రముఖిగా జ్యోతిక నటించగా.. జ్యోతిక భర్తగా ప్రభు నటించి మెప్పించాడు. ఇక ఇన్నేళ్ల తరువాత ఈ సినిమాకు సీక్వెల్ ప్రకటించాడు దర్శకుడు పి.వాసు. చంద్రముఖి 2 పేరుతో తెరకెక్కుతున్న ఈ చిత్రంలో రజినీకాంత్ పాత్రను రాఘవ లారెన్స్ చేస్తుండగా.. చంద్రముఖిగా ఈసారి బాలీవుడ్ ఫైర్ బ్రాండ్ కంగనా రనౌత్ కనిపించనుంది. ఇప్పటికే ఈ సినిమా షూటింగ్ ను శరవేగంగా పూర్తి చేస్తున్నారు. ఇక చంద్రముఖిలో ఎంత కామెడీ అయితే చేశాడో.. అంతే కామెడీ చేయడానికి రెడీ అయిపోయాడు కమెడియన్ వడివేలు. డైరెక్టర్, వడివేలు తప్ప మిగతా వారందరు ఈ సీక్వెల్ లో కొత్తవారే.
Pawan Kalyan: ‘దేవుడు’ వరకు ఓకే.. మరీ ఐటెం సాంగ్ ఏంటీ భయ్యా..?
ఇక తాజాగా ఈ సినిమా రెండో షెడ్యూల్ ను పూర్తి చేసుకుంది. ఈ విషయాన్ని మేకర్స్ అధికారికంగా తెలిపారు. అంతేకాకుండా సెట్ లో ఉన్నవారందరి ఫోటోను అభిమానులతో పంచుకున్నారు. ఈ ఫోటో చూస్తుంటే లారెన్స్ బాగా గట్టిగా భయపెట్టేలా కనిపిస్తున్నాడు. కంగనా మాత్రమే ఏ ఫొటోలో మిస్ అయ్యింది. ఇక చంద్రముఖి 2 లో స్వామిజీగా రావు రమేష్ నటిస్తున్నాడు. లారెన్స్ సరసన లక్ష్మీ మీనన్, మహిమా నంబియార్, శృతి దంగే ముగ్గురు హీరోయిన్లు నటిస్తున్నారు. ఇక రాధికా శరత్ కుమార్ కీలక పాత్రలో కనిపిస్తున్నట్లు తెలుస్తోంది. ఏదిఏమైనా లారెన్స్ ఈ సినిమాతో మరోసారి తన సత్తా చూపించడానికి రెడీ అయ్యాడు. దెయ్యాలును చూపించే డైరెక్టర్.. మరో ఆత్మలను ఆవాహనం చేసుకొనేనటుడు.. ఇద్దరు కలిస్తే సినిమా ఏ రేంజ్ లో ఉంటుందో చూడాల్సిందే. మరి ఈ సినిమాతో చంద్రముఖి అదేనండీ .. కంగనా హిట్ అందుకుంటుందో లేదో చూడాలి.
