Chinmayi: ఐశ్వర్యరాయ్ ను రేప్ చేస్తా అన్నాడు.. అప్పుడు ఎందుకు మాట్లాడలేదు

Chinmayi: సింగర్ చిన్మయి గురించి ప్రత్యేకంగా చెప్పాల్సిన అవసరం లేదు. ఆమె గాత్రంతో సంగీత అభిమానులను ఎంతగా అలరించిందో.. ఆడవాళ్లకు ఏదైనా ఆపద వచ్చిందంటే సోషల్ మీడియాలో అమాంతం ప్రత్యక్షమయ్యి అండగా నిలుస్తుంది. ఆడవారిని హింసించడం, వేధించడం లాంటివి చేస్తే.. వారిని తనదైన రీతిలో ఏకిపారేస్తుంది. ఇక ప్రస్తుతం ఇండస్ట్రీని షేక్ చేస్తున్న వార్త ఏదైనా ఉంది అంటే.. అది త్రిష పై నటుడు మన్సూర్ ఆలీఖాన్ చేసిన అనుచిత వ్యాఖ్యలే. లియో సినిమాలో త్రిషతో నటించే ఛాన్స్ రాలేదు .. కచ్చితంగా త్రిషతో రేప్ సీన్ ఉంటుంది అనుకున్నాను అని చెప్పుకొచ్చాడు. ఆ వ్యాఖ్యలు పెద్ద దుమారాన్నే రేపాయి. ఇక మన్సూర్ చేసిన వ్యాఖ్యలపై త్రిష స్పందించింది. ఇలాంటి నటుడుతో జీవితంలో నటించను అని చెప్పుకొచ్చింది. ఇక త్రిషకు సపోర్ట్ గా కోలీవుడ్ మాత్రమే కాదు టాలీవుడ్ కూడా మద్దతు ప్రకటించింది. ఇక ఈ ఘటనపై చిన్మయి మరోసారి రెచ్చిపోయింది. ఇప్పుడు మన్సూర్ ను అంటున్నారు. ఒకప్పుడు ఇంతకంటే ఘోరంగా నటుడు రాధారవి మాట్లాడినప్పుడు మీరంతా ఎందుకు మాట్లాడలేదు అని ఆమె ప్రశ్నించింది.

Mansoor Ali Khan : త్రిషపై అనుచిత వ్యాఖ్యలు.. మన్సూర్‌ అలీఖాన్‌పై ఎఫ్‌ఐఆర్‌ నమోదు..

చిన్మయికి, కోలీవుడ్ నటుడు రాధారవికిమధ్య ఎంత పెద్ద వివాదం నడిచిందో ప్రత్యేకంగా చెప్పాల్సిన అవసరం లేదు. రాధారవి తనను లైంగికంగా వేధించాడని చిన్మయి ఎంతో పోరాటం చేసింది. అలా చేసి కోలీవుడ్ లో బ్యాన్ కూడా అయ్యింది. అయినా కూడా న్యాయం చేకూరలేదు. ఇక ఇలా సమయం వచ్చినప్పుడల్లా చిన్మయి.. రాధారవిని ఇరికిస్తూ ఉంటుంది. తాజాగా ఒక ఈవెంట్ లో రాధారవి.. ఐశ్వర్యరాయ్ గురించి మాట్లాడిన వీడియోను షేర్ చేసింది. అందులో రాధారవి మాట్లాడుతూ.. ” నాకు హిందీ రాదు. ఒకవేళ వచ్చి ఉంటే ఐశ్వర్యరాయ్ ను రేప్ చేసేవాడిని. ఎందుకంటే.. హిందీవాళ్లు అలాంటి పాత్రలు కన్నా మంచి పాత్రలు ఇవ్వరు కదా అని చెప్పగానే అక్కడ ఉన్నవారు పగలబడి నవ్వారు” ఇక ఈ వీడియో షేర్ చేస్తూ.. ” అప్పుడు ఐశ్వర్యరాయ్ ను రేప్ చేస్తాను అన్న మాటలు జోక్ గా తీసుకున్నారు. ఇప్పుడు మన్సూర్ మాట్లాడిన మాటలకు చర్యలు తీసుకోవాలని డిమాండ్ చేస్తున్నారు. మరి రాధారవి మాట్లాడినప్పుడు ఎందుకు మాట్లాడలేదు. దానికి కారణం ఏంటి తెలుసుకోవాలని ఉంది” అంటూ రాసుకొచ్చింది. ప్రస్తుతం ఈ ట్వీట్ నెట్టింట వైరల్ గా మారింది.

"I have once said that if I had known Hindi, I would have had the opportunity to rape Aishwarya Rai. What I meant was I would have acted in Bollywood. Why the hell should I then act with these saniyans (idots/sinners in Tamil)." – Radha Ravi

Here in this video in Tamil where you… pic.twitter.com/j9qLQwdRA7

— Chinmayi Sripaada (@Chinmayi) November 21, 2023