Chandamame Lyrical from Ravikula Raghurama launched: పాజిటివ్ వైబ్ ప్రొడక్షన్ బ్యానర్లో లవ్ అండ్ రొమాంటిక్ ఎంటర్టైనర్ మూవీగా ‘రవికుల రఘురామ’ అనే సినిమా తెరకెక్కుతోంది. శ్రీధర్ వర్మ సాగి నిర్మాణంలో.. ట్యాలెంటెడ్ డైరెక్టర్ చంద్రశేఖర్ కానూరి దర్శకత్వంలో ఈ చిత్రం రూపొందుతుండగా గౌతమ్ సాగి, అందాల భామ దీప్శిఖా హీరో హీరోయిన్లుగా నటిస్తున్నారు. సినిమాను వినోదాన్ని అందించే సినిమాగా తీర్చి దిద్దడానికి నిర్మాత, దర్శకుడు ఎంతో కష్టపడుతున్నారు. డైరెక్టర్ చంద్రశేఖర్ తన సృజనాత్మకత మొత్తం జోడించి ఈ కథకి ప్రాణం పోస్తున్నారని మేకర్స్ వెల్లడించారు. అలాగే హీరో హీరోయిన్లు కూడా మంచి పెర్ఫామెన్స్ అందిస్తున్నారని చెబుతున్నారు. ఇక వీరందరితో పాటు ఈ చిత్రానికి సంగీత దర్శకుడిగా పనిచేస్తున్న సుకుమార్ పమ్మి అద్భుతమైన పాటలు అందిస్తున్నారట. తన సంగీతాన్ని ఈ చిత్రానికి ఒక సోల్ గా మార్చే ప్రయత్నం చేస్తున్నారని చెబుతున్నారు. ఇక తాజాగా ఈ సినిమా నుంచి ‘చందమామే’ అనే బ్యూటిఫుల్ మెలోడీ సాంగ్ రిలీజ్ చేశారు మేకర్స్. ఈ లిరికల్ వీడియో క్రేజీ డైరెక్టర్ పరశురామ్ చేతుల మీదుగా లాంచ్ చేయించడం విశేషం. ఇక డైరెక్టర్ పరశురామ్ ఈ సందర్భంగా చిత్ర యూనిట్ ని అభినందిస్తూ చందమామే సాంగ్ వింటుంటే చాలా ప్రామిసింగ్ గా అనిపిస్తోంది, లిరిక్స్, ట్యూన్ ఎంతో అందంగా వినసొంపుగా ఉన్నాయని అన్నారు. ఈ పాట ఆకట్టుకోవడమే కాదు సినిమాపై కూడా ఆసక్తిని పెంచేలా ఉందని, ఈ సాంగ్ ఆకట్టుకోవడంతో రవికుల రఘురామ చిత్ర రిలీజ్ కోసం ఆడియన్స్ ఎదురుచూస్తారని చెప్పడంలో సందేహం లేదని ఆయన పేర్కొన్నారు.
