BC Reservations: బీసీ రిజర్వేషన్లపై ఏపీ కేబినెట్ కీలక నిర్ణయం.. రేపు పూర్తి జాబితా
- Follow Us :
-
-
Add as a preferred
source on google
BC Reservations: త్వరలో ఆంధ్రప్రదేశ్లో జరగనున్న స్థానిక సంస్థల ఎన్నికల్లో వెనుకబడిన తరగతులకు (బీసీలు) సముచిత గౌరవం, ప్రాతినిధ్యం కల్పించడమే కూటమి ప్రభుత్వ లక్ష్యమని మంత్రి అచ్చెన్నాయుడు స్పష్టం చేశారు. బీసీలకు 34 శాతం రిజర్వేషన్లు కల్పించాలని ప్రభుత్వం సంకల్పించిందని తెలిపారు. బీసీ రిజర్వేషన్ల అంశంపై రాజీవ్ రంజన్ మిశ్రా కమిషన్ సమర్పించిన నివేదికపై చర్చించిన అనంతరం కేబినెట్ ఆమోదం తెలిపిందని వెల్లడించారు. నేటి కేబినెట్ సమావేశానికి ప్రత్యేకత ఉందని పేర్కొన్నారు. టీడీపీ ఆవిర్భావం నుంచి బీసీ వర్గాలు పార్టీకి అండగా నిలుస్తున్నాయని, ఆ వర్గాలకు ఎంత చేసినా తక్కువేనని అన్నారు. గతంలో బలహీన వర్గాలకు సరైన రిజర్వేషన్లు ఉండేవి కావని గుర్తుచేశారు. దివంగత ఎన్టీఆర్ బీసీలకు 20 శాతం రిజర్వేషన్లు కల్పించారని, 1995లో పంచాయతీరాజ్ చట్టానికి సవరణలు చేసి చంద్రబాబు అదనపు రిజర్వేషన్లు అందించారని తెలిపారు. అయితే, గత వైసీపీ ప్రభుత్వం ఎన్టీఆర్, చంద్రబాబు కల్పించిన రిజర్వేషన్లను తగ్గించిందని ఆరోపించారు.
బీసీలకు రిజర్వేషన్లు కల్పించాలంటే ప్రత్యేక డెడికేటెడ్ కమిషన్ ఏర్పాటు చేయాలని గతంలో హైకోర్టు సూచించిందని వివరించారు అచ్చెన్నాయుడు. ఈ నేపథ్యంలో రాజీవ్ రంజన్ మిశ్రా, ఐఏఎస్ అధ్యక్షతన ఫిబ్రవరి 19న బీసీల కోసం స్వతంత్ర ప్రత్యేక కమిషన్ను ఏర్పాటు చేసినట్లు తెలిపారు. ఈ ఏడాది మార్చి 23 నుంచి కమిషన్ తన కార్యకలాపాలను ప్రారంభించిందన్నారు. రాష్ట్రంలోని పలు జిల్లాల్లో విస్తృతంగా పర్యటించి, వివిధ బీసీ కుల సంఘాల నుంచి విజ్ఞప్తులు, అభిప్రాయాలను సేకరించిందని పేర్కొన్నారు. దాదాపు 7 నెలల పాటు వివిధ స్థాయిల్లో సమగ్ర అధ్యయనం నిర్వహించిన కమిషన్ ఆగస్టు 14న ప్రభుత్వానికి నివేదిక సమర్పించిందని వెల్లడించారు. స్థానిక సంస్థల్లో రిజర్వేషన్లను సమకాలీన డేటా, ప్రస్తుత స్థానిక పరిస్థితులు, జనాభా ప్రాతిపదికన మాత్రమే ఖరారు చేసినట్లు తెలిపారు. బీసీ రిజర్వేషన్లకు సంబంధించిన సమగ్ర సమాచారాన్ని కమిషన్ నివేదికలో పొందుపరిచిందని, ఆ నివేదికను పరిశీలించిన కేబినెట్ ఆమోదించిందని వివరించారు.
Also Read
- AP Economic Regions: యువతకు లక్షలాది ఉద్యోగాలే లక్ష్యం.. మూడు ఎకనమిక్ రీజియన్లపై సీఎం చంద్రబాబు కీలక సమీక్ష
- Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
- Akvan Cyclone Alert: అక్వాన్ తుఫాన్ ఎఫెక్ట్.. ఉత్తరాంధ్రకు అలర్ట్
- AP High Court: చంద్రబాబుపై కేసుల మూసివేత.. హైకోర్టు కీలక ఆదేశాలు
స్థానిక సంస్థల్లో వివిధ పదవులకు బీసీలకు కల్పించనున్న రిజర్వేషన్ల వివరాలను మంత్రి అచ్చెన్నాయుడు వెల్లడించారు. గ్రామ పంచాయతీ వార్డులకు 26.73 శాతం, సర్పంచ్ పదవులకు 27 శాతం, ఎంపీటీసీ స్థానాలకు 25 శాతం, ఎంపీపీ పదవులకు 24 శాతం, జడ్పీటీసీ స్థానాలకు 26 శాతం, జడ్పీ చైర్మన్ పదవులకు 23 శాతం రిజర్వేషన్లు కల్పించనున్నట్లు తెలిపారు. మున్సిపల్ చైర్పర్సన్లు, మేయర్లు, వైస్ చైర్మన్లకు 34 శాతం రిజర్వేషన్లు ఉంటాయని పేర్కొన్నారు. రిజర్వేషన్లకు సంబంధించిన జాబితాను రేపు విడుదల చేయనున్నట్లు వెల్లడించారు. స్థానిక సంస్థల ఎన్నికల్లో బీసీలకు సముచిత స్థానం కల్పించడంతో పాటు, పార్టీ పరంగా కూడా 34 శాతం ప్రాతినిధ్యం కల్పిస్తామని స్పష్టం చేశారు. అవసరమైన చోట 34 శాతానికి మించి బీసీలకు పదవులు కల్పించేందుకు కూడా సిద్ధంగా ఉన్నామని తెలిపారు. బీసీలకు రాజకీయంగా తగిన ప్రాధాన్యం కల్పించడం, వారి ప్రాతినిధ్యాన్ని పెంచడం ఎన్డీఏ ప్రభుత్వ ప్రధాన ఉద్దేశమని పేర్కొన్నారు మంత్రి అచ్చెన్నాయుడు.
తాజావార్తలు
-
Nifty 50: పరుగులు పెడుతున్న నిఫ్టీ 50.. 52 వారాల గరిష్టానికి చేరుతుందా..?
-
Hindu Population: హిందూ జనాభాలో అగ్రస్థానం.. ముస్లిం జనాభాలో రెండో స్థానం.. 2070 నాటి ప్రపంచంలో భారత్లో పరిస్థితి!
-
Wedding Business: 25 రోజుల్లో రూ.7.50 లక్షల కోట్ల వ్యాపారం.. పెళ్లిళ్ల జోరు మామూలుగా లేదుగా!
-
EPFO: పీఎఫ్ ఖాతాదారులకు శుభవార్త.. వాయిదాల రూపంలో డబ్బుల విత్ డ్రాకు అవకాశం..
-
Alia Bhatt: పని కోల్పోతామనే భయం ఉండకూడదు.. దీపికకు అలియా భట్ మద్దతు!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!