బిచ్చగాడు.. ఈ టైటిల్‌కి సినిమాకి వస్తున్న వసూళ్లకు సంబంధమే లేదు. ప్రస్తుతం బాక్సాఫీస్ దగ్గర శ్రీమంతుడుగా సందడి చేస్తున్నాడు బిచ్చగాడు. ఈ సినిమాకు ఈ విజయ్ ఆంటోనీ హీరోగా నటించడమే కాకుండా తనే దర్శకత్వం వహించాడు. మ్యూజిక్ డైరెక్టర్, ప్రొడ్యూసర్ కూడా అతనే. కావ్య తాపర్ హీరోయిన్‌గా నటించింది. ప్రస్తుతం తెలుగు, తమిళ్‌లో ఈ సినిమా సక్సెస్‌ఫుల్‌గా రన్ అవుతోంది. 16 కోట్ల బ్రేక్ ఈవెన్ టార్గెట్‌తో బరిలోకి దిగిన బిచ్చగాడు… ఫస్ట్ మండేకే టార్గెట్ రీచ్ అయిపోయి బ్రేక్ ఈవెన్ మార్క్ ని దాటేశాడు. అన్ని సెంటర్స్ లో లాభాల బాట పట్టిన బిచ్చగాడు 2 బిచ్చగాడు అనే బ్రాండ్ ని నిలబెట్టింది. ఇదిలా ఉంటే… బిచ్చగాడు 3 కూడా ఉంటుందనే న్యూస్ వైరల్‌గా మారింది. పోస్ట్ రిలీజ్ కూడా ఈ సినిమాను తమిళ్‌లో కంటే తెలుగులోనే ఎక్కువగా ప్రమోట్ చేస్తున్నాడు విజయ్ ఆంటోని.
పోస్ట్ రిలీజ్ ప్రమోషన్స్‌లో భాగంగా… ‘బిచ్చగాడు 3’ ఉంటుందని చెప్పేశాడు విజయ్ ఆంటోని. ఈ లెక్కన విజయ్ ఆంటోని ఈ సినిమా సీక్వెల్స్, ప్రీక్వెల్స్ చేసుకుంటే సరిపోతుందని చెప్పొచ్చు. ఎందుకంటే… బిచ్చగాడు సినిమా తర్వాత విజయ్ చేసిన సినిమా ఒక్కటి కూడా హిట్ అవలేదు. బిచ్చగాడు తర్వాత బిచ్చగాడు 2నే హిట్ ఇచ్చింది. అందుకే థర్డ్ పార్ట్‌కు ప్లాన్ చేస్తున్నాడని చెప్పొచ్చు. ఈ సినిమా త్వరలోనే స్టార్ట్ కానుందట. వీలైనంత త్వరగా షూటింగ్ పూర్తి చేసి.. 2025లో ‘బిచ్చగాడు 3’ విడుదల చేసే ఛాన్స్ ఉందని అంటున్నారు. త్వరలోనే ఈ ప్రాజెక్ట్ గురించి అఫిషీయల్ అనౌన్స్మెంట్ రానుందని అంటున్నారు. ఏదేమైనా.. రాను రాను బిచ్చగాడు ఓ బ్రాండ్‌గా మారిపోనున్నాడని చెప్పొచ్చు.